電影LOL︳今年拍埋第50套作品 活地亞倫預告收山

美國時間星期二晚有個本來幾有份量嘅訪問︰影視雙線發展嘅阿哥級藝人艾力寶雲Alec Baldwin,喺IG訪問大導演活地亞倫。用得「本來幾有份量」形容,你明嘅。艾力寶雲舊年十月喺拍戲期間,誤用道具槍射死攝影師,而活地亞倫喺#METOO風潮之下,被指涉嫌性侵養女,作品當堂被冷處理。兩個都係同是天涯羅樂林,難怪艾力寶雲訪問前出post都話明對外界嘅批判零興趣,打返個底。

呢兩位唔少負皮嘅男士對談,其實有嘢落袋。活地亞倫訪問期間提到,電影放上串流平台係大勢所趨,但因此令作品喺戲院上畫時間越來越短,令佢老人家好冇癮。加上新冠疫情,令佢更肯定呢個睇法。

活地亞倫又話,疫情期間佢同大家一樣,摺埋喺屋企唔出去,本來有套戲要籌備但乜都做唔到。幾個月後,大師開始諗……其實咁都幾好,唔使拍戲,唔使晨早起身處理一大堆嘢,有時間就做下運動寫下書,畢竟都八十有六嘞。於是活地亞倫打算拍多一套戲,亦即係第50套作品,就正式收山。

大師打算今個秋天喺巴黎拍呢套收山作,以往活地亞倫唔少作品會喺最愛嘅紐約開工,但係近年佢經常去歐洲取景,因為覺得咁樣「離家出走」幾爽。活地亞倫又話,唔拍戲嘅話佢會專心寫書寫專欄。

更多電影文章

電影LOL.今期睇咩戲︳秘境探險/孩子轉運站/貓王/接駁靈聲/弊傢伙,JJ唔見咗/劇場版 角落小夥伴

電影LOL︳傳迪士尼出天價3億美元邀再拍《魔盜王》 Johnny Depp回應︰假嘅!

電影LOL︳《青蜂俠》三度翻拍 外媒提議搵伍允龍做新版加藤

電影LOL︳股價今年跌7成 訂戶流失20萬 NETFLIX大裁員怒炒450人

電影LOL︳Ezra Miller屢犯官非 《閃電俠》傳易角 業界估一個理足以保住

電影LOL︳《熊抱青春記》男團分拆出漫畫 下一步係當真男團咁捧挑機BTS?

電影LOL︳《光年正傳》開畫票房失利 行內人估無望再現《反斗奇兵》系列佳績

電影LOL︳索爆邦女郎Ana演瑪莉蓮夢露傳記片 預告曝光 造型似到十足十!

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!