電影LOL︳大件頭男演員10個月減150磅 演業餘拳手重拾熱血人生

演員個身體係唔屬於自己嘅。近期睇谷德昭導演訪問鄭中基，Ronald話因為連續拍2套戲都係要做Edan（呂爵安）阿爸，咁啱都係做的士司機，因為想有明顯分別，於是努力增肥，而家嘅佢塊面竟然大過谷導！

美國近期有套新戲Bobcat Moretti堪稱荷里活版《激戰》，男主角有多發性硬化症同埋癡肥，因為過世嘅爸爸有玩拳擊，所以佢膽粗粗去拳館學打拳，從過程中療癒內心創傷。Bobcat Moretti就係佢為自己上擂台而起嘅代號。

主演嘅Tim Realbuto以往演舞台劇為主，本身係加加加大碼身型，前年電影開鏡時佢嘅體重接近400磅！劇情交代Bobcat 為咗打拳搏到盡，咁身型一定有變啦，於是劇組喺拍完電影第一部份之後，停工接近一年俾Tim Realbuto減磅。到舊年再次開工之際，Tim Realbuto減咗154磅，即係一個成年男人咁重。呢個數字應該打破咗，基斯頓比爾2004年演The Machinist時為角色減磅60磅嘅紀錄。

1年點減154磅？Tim索性做胃束帶手術，完全放棄美食，只係食沙律同烤肉，另加瘋狂操練。電影嘅監製Erik Potempa，唔止飾演Bobcat死鬼老豆，仲做埋Tim嘅教練，一星期操足6日，打拳體能做到足，當然唔少得激勵佢咪放棄。本來Tim只係想減100磅，結果超額完成。

Bobcat Moretti唔止令Tim Realbuto首次做電影主角，更加改變埋佢嘅生活方式同埋體型。睇套戲嘅預告片似乎相當熱血，希望香港有得上！

更多電影文章

電影LOL︳今期睇咩戲 阿媽有咗第二個／失憶殺神／孕辱／北族人／魔神英雄傳 七魂的龍神丸 -再會-

電影LOL︳2千呎高塔逃生冒險 新片Fall用人工智能遮粗口變返II級片

電影LOL︳七月梗係睇鬼片 台灣驚嚇作《民雄鬼屋》戲中道士性侵案真有其事

電影LOL︳《衝上雲霄︰獨行俠》勁賺過百億 60歲湯告魯斯連開3套新戲 有歌舞片仲扮核突佬

電影LOL︳華納第2季勁蝕34億美元 CEO解釋「殺死」《蝙蝠女》原因

電影LOL︳1億美金倒落海！華納全面抽起《蝙蝠女》連串流平台都唔放

電影LOL︳《反斗車王》網劇9月上架 哨牙麥同麥昆去旅行 原因竟然係咁？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！