雅虎香港新聞 電影LOL︳澤東電影30年回顧短片《零點零一公分的距離》內地平台優先睇 點解同雞蛋有關？
香港仲有幾多間電影公司？仲有幾多間做到30年？由王家衛同劉鎮偉導演創立嘅澤東電影今年成立30周年，喺2021年剩低唔夠40小時之際，澤東喺官方FACEBOOK宣布特別剪輯嘅回顧短片《零點零一公分的距離》，喺內地串流平台優先有得睇。
今年4月香港國際電影節已經有「澤東三十 念念不忘」環節，選映修復版嘅澤東出品，期中喺放映《春光乍洩》之後，大會安排由王家衛親自主理嘅30分鐘短片，正正係《零點零一公分的距離》。當時係全球首播只映一場，得少數澤東FANS有幸睇到。
據睇過呢條片嘅影迷憶述，《零點零一公分的距離》剪輯咗唔少歷年澤東電影從未曝光片段，包括創業作《東邪西毒》，片中亦有唔少篇幅係《春光乍洩》同《花樣年華》被刪走嘅場面，尤其係《春》，會見到唔少哥哥張國榮嘅戲份，令影迷十分懷念。《零點零一公分的距離》以一個非常有趣嘅切入點串起多套電影，就係雞蛋的意義。《東邪西毒》嘅張學友為一籃雞蛋代楊采妮出頭，其他戲又同雞蛋有咩關係？
今年澤東為各套作品推出紀念BOX SET，加埋呢套短片可以話係圓滿，不過有唔少香港影迷都想知幾時可以睇到《零點零一公分的距離》，因為而家選播平台只限內地觀眾收睇噃。
更多電影文章
電影LOL︳香港Netflix聖誕假收視榜十大 Matrix、蜘蛛俠舊片佔7席 榜首係呢套新片
電影LOL︳Matrix監製爆《復活次元》本來另有導演人選 拍續集不置可否
電影LOL︳《闔家辣》搶閘宣傳 Edan呂爵安再反白眼 自家製辣醬焫著全家
電影LOL︳奧斯卡公布初選入圍名單 中港台電影無緣角逐外語片
電影LOL︳《哈利波特》20周年Re-U特輯元旦有得睇 仲可以一次過煲晒8集電影
電影LOL︳仲未有上映日期 4.5億港產科幻巨構《明日戰記》宣傳片登場
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
