電影LOL︳華納第2季勁蝕34億美元 CEO解釋「殺死」《蝙蝠女》原因

今年4月同Discovery 合併嘅華納兄弟(Warner Bros. Discovery，下稱華納）公布首份季度業績，4－6月第2季度勁蝕34億美元，即係大約港紙266億！不過好大部份都係因為合併業務而造成嘅一次過虧損，唔會成日出現。

睇數嘅嘢交返俾財經組同事，電影方面最多人想知嘅，都係點解華納早幾日會大刀闊斧，將做緊後期嘅《蝙蝠女》(Batgirl）全面叫停，唔上畫之餘連串流都唔播。CEO David Zaslav今日回應提問，解釋話「唔會俾一套未準備好嘅電影面世」，而佢力sell 旗下DC漫畫英雄系列，即係蝙蝠俠、超人同神奇女俠時，不停強調「質素」，似乎證實咗《蝙蝠女》死喺試片觀眾瘋狂負評嘅傳言。而阿CEO仲話三大英雄會係內容重心，甚至有個十年大計，聽落都幾似迪士尼處理Marvel超級英雄嘅玩法。除此之外，CEO大讚等緊上畫嘅Black Adam、《沙贊!2》同《閃電俠》令佢好興奮期待喎，即係起碼唔會「被失蹤」先啦。

咁啱得咁蹺，華納近年得意之作《小丑》嘅續集，正式公布會喺2024年10月上映，並且確認呢套延續篇會係音樂劇形式，女主角正正係之前盛傳嘅Lady Gaga。話晒2019年上嘅《小丑》收到10億美元，呢單消息出嚟都算係沖下喜嘅。

除此之外，華納決定將旗下串流平台HBO Max同Discovery＋合併，下年夏天成事，並考慮推出免費但有廣告嘅版本。而新平台亦會走出北美市場，預計2024年中會登陸亞太區。

更多電影文章

電影LOL︳今期睇咩戲 殺手列車／緊急迫降／DC超寵聯萌／緣路山旮旯／電影多啦A夢：大雄之宇宙小戰爭2021

電影LOL︳1億美金倒落海！華納全面抽起《蝙蝠女》連串流平台都唔放

電影LOL︳《反斗車王》網劇9月上架 哨牙麥同麥昆去旅行 原因竟然係咁？

電影LOL︳《洛奇》旁枝人物變主角 史泰龍冇得分 出post鬧爆監製係吸血鬼

電影LOL︳唔嫁又嫁 Ben Affleck為《水行俠》再演蝙蝠俠

電影LOL︳威尼斯影展競賽片單公布 狼人、邦女郎爭影帝影后 華語片0入圍

電影LOL︳MARVEL第5、6階段作品面世日期曝光 《復仇者聯盟》2025年一次過出2集

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！