電影LOL︳《奪命狂呼》拍到第六集 Wedneday女主角Jenna Ortega斬極唔死

1996年面世嘅恐怖片《奪命狂呼》大熱,一連拍咗幾集續集,不過口碑隨住集數每況愈下,直到2011年第4集後終於叫停。事隔11年,上年原班底重啟《奪命狂呼》,狀態回勇票房高收。今年3月即將推出《奪命狂呼6》,預告片剛剛出街。

元老演員Neve Campbell早早宣佈唔會再拍《奪6》,即係要換人接鬼面電話。承接上集的鬼面殺戮事件之後,僥倖逃出生天的人全部離開胡士堡,各自開始新生活;豈料新一輪血腥風暴依然緊纏他們不放。

電影剛剛推出最新預告片,片段可見「接死亡預告電話」重任將交俾另一元老成員、《老友記》Courtney Cox 飾演嘅Gala Weathers。呢位新「鬼面」仲話自己有過人之處,多次成功從鬼面殺手魔掌逃離嘅Gala今次又走唔走得甩呢?

《奪命狂呼》入面嘅鬼面經常大開殺戒,隨機殺人,集集都有角色成為刀下魂,亦因此集集都有新演員加入!除咗元老級人馬Courtney Cox,新加入《奪6》仲有喺《蜘蛛俠:不戰無歸》入面飾演牙擦同學嘅Tony Revolori、《爆血新婚夜》女主角 Samara Weaving 以及《阿凡達:水之道》中飾演Spider嘅男星Jack Champion!

不過《奪6》嘅焦點相信會落於Jenna Ortega身上,佢因為Tim Burton嘅Wedneday爆紅成為潮流icon!Jenna於上集飾演Tara,角色一開始就被追殺,一路殺到尾都死唔去。今集搬出胡士堡,出咗城都摵唔甩鬼面,繼續被追殺,由地鐵追到便利店,中間多位無辜途人幫佢擋刀又擋槍,而手無寸鐵嘅佢竟然無事走得甩,體型嬌小嘅佢有無限生命力!會唔會接班成為《奪》系列主骨幹成員?

更多電影文章

電影LOL 今期睇咩戲︳毒舌大狀/超神經械劫案下/非常貓狗反轉武林/天龍八部之喬峰傳/1人婚禮/芳寸之地

電影LOL︳迪士尼新CEO做到嘢?Marvel電影3年半後重返中國內地市場

電影LOL︳《毒舌大狀》《超神經械劫案下》玩晒 賀歲檔竟然冇重磅西片落場

電影LOL︳先贏劉德華《流浪地球2》《無名》內地賀歲檔預售爆冷領先 唔關梁朝偉事?

電影LOL︳中女談情筍盤瘋狂埋身 Netflix情人節應節甜片《換屋假期》

電影LOL︳金球獎直擊《奇異女俠玩救宇宙》楊紫瓊首奪影后 關繼威贏男配角

電影LOL︳社畜生活實錄 網路漫畫《他馬克老闆》拍電影版 搵盧廣仲鬧爆你腦細

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!