電影LOL︳古天樂宣佈香港班底製作《明日戰記》前傳動畫 2025年有得睇？

港產大片《明日戰記》上畫近一個月，票房已經衝破6100萬，現時已經榮登香港電影史上華語片十大票房第4位，同第3位嘅《那些年，我們一起追的女孩》只差三十幾萬，應該唔難過頭。至於能否衝破收6682萬嘅《寒戰2》，就真係要睇後勁。

要谷票房，近年常用嘅「謝票」場當然係辦法之一。尋日電影總監製古天樂出席謝票場，就宣布會開拍《明日戰記》前傳動畫電影！古生更加披露原來佢旗下嘅電影公司「天下一」係有個三十年計劃，而家已經走過十年，而接下來嘅二十年計劃入面，純香港製作嘅《明日戰記》前傳動畫電影係其中一套出品。

電影公司而家喺《明日戰記》片尾都會加插前傳動畫片段，揭示電影中虛構世界嘅起源、機械人發生叛變等前傳劇情。而絕密預告亦顯示「前傳 2025」幾隻字，相信天下一計劃喺2025年上映《明日戰記》前傳。

香港近年確實較少本土製作動畫電影出品，最多人記得嘅可能已經係多年前嘅《麥兜故事》系列。2019年上映嘅《大偵探福爾摩斯：逃獄大追捕》就以著名香港作家厲河嘅兒童故事改編，並由《麥兜故事》導演袁建滔聯同動畫公司創辦人鄒榮肇一齊導演，製作班底主要來自香港，但係票房只收4百幾萬，遠未能追回1300萬成本，而天下一就係《大》嘅其中一間出品公司。

今次天下一宣佈《明日戰記》前傳，相信可以令動畫界人才有實戰經驗，真係為香港嘅動畫業明日而戰。

更多電影文章

電影LOL 今期睇咩戲︳別擔心親愛的／神探伽俐略 沉默的遊行／鯊餌／北海浩劫

電影LOL︳醜聞不斷被割席 明年金球獎電視台終於肯直播

電影LOL︳30分鐘後炸彈爆炸 倒數系刺激新片Blast 小本經營嘅《拆彈專家》？

電影LOL︳終於等到！《魔間行者》拍續集 奇洛李維斯原班人馬上陣

電影LOL︳露營必須走！《電影版 搖曳露營△》引發你的camping慾

影響幾代導演 法國電影大師尚盧高達安樂死離世享年91歲

電影LOL︳女王效應 Netflix劇《王冠》英國播放數升8倍

電影LOL︳歐美影圈「英女王」盤點 邊個最似本尊？

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！