雅虎香港新聞 電影LOL︳巧合？Will Smith掌摑事件後 再有新作計劃叫停 都係話唔關打人事？
唔經唔覺，Will Smith（韋史密夫）喺奧斯卡頒獎台上掌摑Chris Rock事件差唔多一個月。呢段時間受害人Chris Rock照做talk show，但係Will Smith就潛水唔見人。本來唔少網民大讚韋哥係真男人，但係風向一轉，齊齊向暴力say no，奧斯卡主辦單位美國影視藝術學院裁定禁止Will Smith參與活動10年，片商亦只好hold住所有呢位新科影帝嘅project。
之前我地報導過，掌摑事件後本來已經有劇本嘅《重案夢幻組》第4集、Apple TV＋串流劇Emancipation以及Netflix新片Fast and Loose都要暫緩。
最新消息係原本由Will Smith主持嘅國家地理頻道紀錄片Pole to Pole，本來下個月就要出發去南極同北極拍攝，但係消息人士透露將會延期至今年秋天先開工。而Netflix另一套新片《光靈》（Bright）續集直情被取消。不過報導消息嘅記者表明，同掌摑事件無關。奇就奇在，前面幾個project叫停嘅新聞傳出之後，「有關方面」嘅消息都係話「同掌摑事件無關」，咁巧合？大家都唔敢郁，相信要睇到Will Smith影帝級演技，怕且要等多三幾年咯。
更多電影文章
電影LOL．今期睇咩戲︳怪獸與鄧不利多的秘密／月球隕落／喪盡癲才／星夢動物園2
電影LOL︳炒冷飯熱潮 片廠重拍《死亡習作》延續偽紀錄片風格有冇bug？
電影LOL︳《雷神4》預告片登場 Natalie Portman變女雷神勁大隻 仲有銀河守護隊出場！
電影LOL︳戲院下周重開 《蝙蝠俠》終於有得睇 《梅艷芳》再上映
電影LOL︳《婚前昏後》荷里活青春版？肥Amy Rebel Wilson新片Senior Year演昏迷廿年超齡高中生
電影LOL︳《超音鼠2》開畫大賣 導演有意拍對家任天堂全明星game大電影
電影LOL︳禁錮一年變情侶 Netflix爭議之作365 Days拍續集 預告片曝光更多火辣床戲
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
