電影LOL︳楊紫瓊拍完《我的超豪男友》人氣神奇反彈 分身打入元宇宙拯救世界

幾年前嘅《我的超豪男友》美國引起熱話,戲中演員知名度大增,不過最紅而且片約不斷嘅並不是男女主角,而係「奶奶」楊紫瓊!楊片約不斷,參與《星空奇遇記》劇集又拍漫威《尚氣與十環幫傳奇》,排住隊仲有《阿凡達2》!

《阿2》前仲有套好有趣嘅Everything Everywhere All at Once。電影由A24出品,過往作品包括《月亮喜歡藍》、《抖室》、《歡迎光臨夢幻樂園》、《別告訴她》及《農情家園》等,套套橫掃各大電影頒獎禮,攞過好多奧斯卡!其公司出品多數言之有物,連恐怖片都拍得掂,之前嘅《祖孽》影評票房雙贏。

Everything Everywhere All at Once由《救你命3000》(Swiss Army Man)導演丹尼爾舒赫(Daniel Scheinert)、 關家永(Dan Kwan)共同執導。導演前作《救》唔係商業大片不過點子有趣,「哈利波特」丹尼爾域基夫飾演萬能死屍,同萬念俱灰嘅保羅戴路展開奇幻的求生之旅。戲中丹尼爾放屁放到出神入化,搞笑得嚟其實想講接受自己嘅重要。

今次新作大玩超級英雄多元宇宙概念,講述由楊紫瓊飾演嘅美國移民Evelyn Wong一心想搞掂盤數報稅,點知被Jamie Lee Curtis飾演嘅會計師一掌打入多元宇宙,被告知靠佢拯救世界,化身成千萬個Evelyn Wong,明星、廚師、勁好打高手等於一身!

新鮮出爐預告片可見楊紫瓊多個造型:花白中年婦人、高貴影星等,而且電影不乏動作場面,見到楊紫瓊嘅好身手!楊紫瓊戲中老公則由80年代《奪寶奇兵》童星、及後轉型成為特技人嘅關繼威飾演,而同《月光光心慌慌》系列畫上等號嘅Jamie Lee Curtis則以假髮肥佬造型飾演大魔王!

科幻喜劇Everything咁大膽,敢抽超級英雄水玩多元宇宙,相信故事玩得幾出色,先可以令已經成為漫威宇宙一員嘅楊紫瓊接拍,同令出產大量得獎電影嘅A24收貨!

暫時未知香港有無片商引入,電影預訂明年3月於美國上映。

更多電影文章

電影LOL︳今期睇咩戲 美國女孩/赤BIG靈靈狗/一秒鐘 / 青春弒戀 / 驅魔高校 /Drive My Car

電影LOL︳金球獎提名公布 《魷魚遊戲》入圍爭大獎 仲有咩花生話題?

電影LOL︳成功將負評化成3億票房《超音鼠大電影》開續集掟錢搵巨星座陣

電影LOL︳《天能》大導Christopher Nolan轉會 群星拱照拍原子彈之父爆炸性秘聞

電影LOL︳爆肌舞男再現 《光豬舞壯士》拍第3集準備收山?

電影LOL︳賽車題材吸金勁 片商掟錢搶畢彼特新片搏做下套《狂野時速》

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載