電影LOL︳狂拍爛片「跑數」翻生 尼古拉斯基治新片瘋狂抽自己水

2022年新開始,要多啲自嘲、多啲幽默過日子,至於點樣苦中作樂同時發展事業,影帝尼古拉斯基治絕對係人辦!話說呢位90年代最高身價及演技備受讚賞嘅奧斯卡影帝,除咗以作品說話之外,私生活怪行相當多,最出名亂駛錢,例如買恐龍蛋、金字塔等等,買到破產!

據聞因為大駛欠下巨債而亂接戲還債,千禧年後事業走下坡,由金像男星變成CULT片王,不過怪到盡頭就有型,近年憑一堆血腥cult片《狂屠絕路》(Mandy)、《屠出殺樂園》(Willy’s Wonderland)等作品翻生,重返荷里活主流電影,參與環球影業「怪物」系列電影Renfield飾演吸血彊屍德古拉!

尼古拉斯基治事業如坐過山車,經歷低潮後反而戲路更廣,喺新作喜劇The Unbearable Weight of Massive Talent中做返自己。故事講述基治身負巨債,為咗可以參演昆頓塔倫天奴新戲大費周張,同一時間佢為咗還債接生日show,為佢個富豪毒梟超級fans(Pedro Pascal飾)賀壽,點知CIA要求佢做線人套料!

雖然故事純屬虛構,不過肯定有參考基治生活做藍本。近日電影推出先導預告片,其中可見基治化身多個造型,包括令佢成為影帝嘅《兩顆絕望的心》(Leaving Las Vegas)、動作巨製《奪面雙雄》及刺激飛車《極速60秒》等。最爆笑戲內基治見到自己個《奪》角色蠟像,鍾意買嘢嘅佢即時出價2萬想買起個公仔!玩盡自己經典角色,笑埋自己啲花邊新聞,簡直自嘲最高境界!

基治近日受訪時表示唔多鍾意被稱「演員」(actor),佢覺得「戲劇家」(thespian)比較貼切,因為佢覺得「演員」等如擅長講大話,「戲劇家」比較由心出發演譯角色、真心啲咁話。影帝嘅想法好難理解,可能思維夠跳脫先令佢嘅演出好睇,拍低成本製作一樣拍出新血路!

電影The Unbearable Weight of Massive Talent將於4月美國上映。希望香港有片商引進,好想睇呢位怪雞影帝點樣玩返自己!

更多電影文章

電影LOL.今期睇咩戲︳G風暴 / 皇家特工:第一任務

電影LOL︳澤東電影30年回顧短片《零點零一公分的距離》內地平台優先睇 點解同雞蛋有關?

電影LOL︳香港Netflix聖誕假收視榜十大 Matrix、蜘蛛俠舊片佔7席 榜首係呢套新片

電影LOL︳Matrix監製爆《復活次元》本來另有導演人選 拍續集不置可否

電影LOL︳《闔家辣》搶閘宣傳 Edan呂爵安再反白眼 自家製辣醬焫著全家

電影LOL︳奧斯卡公布初選入圍名單 中港台電影無緣角逐外語片

電影LOL︳《哈利波特》20周年Re-U特輯元旦有得睇 仲可以一次過煲晒8集電影

電影LOL︳仲未有上映日期 4.5億港產科幻巨構《明日戰記》宣傳片登場

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載