電影LOL︳第一位美籍華裔女星黃柳霜傳記電影 Gemma Chan陳靜確定演出

荷里活亞裔演員抬頭，其中一位上位冒起中嘅Gemma Chan(陳靜），十年前仲係Benedict Cumberbatch嘅《新福爾摩斯》其中一集嘅角色，十年後嘅今日已經擔大旗做女主角兼監製。

外媒Hollywood Reporter報導，Gemma 會同同樣係亞裔嘅製作人合作新project，係第一位荷里活華裔女星黃柳霜(Anna May Wong)嘅傳記片。劇本改編自黃柳霜嘅傳記書，並由首位獲得舞台劇東尼獎最佳編劇嘅亞裔創作人David Henry Hwang執筆，而黃柳霜嘅姨甥女Anna Wong就擔任電影嘅顧問。

陳靜發文確認消息，提到黃柳霜係超越時代嘅女性先鋒，帶來好多前所未有嘅轉變，亦同樣面對亞裔面孔帶來嘅偏見。

黃柳霜1905年生於美國洛杉磯，14歲入行，17歲拍電影《海逝》而大紅，喺演藝圈42年間拍戲60套，見證住電影由默片走向有聲有畫有顏色嘅世代。當年有導演搵黃柳霜演黃皮膚角色，點知公司唔批，仲搵個德國女演員取代。黃柳霜後來轉戰電視界，拍節目The Gallery of Madame Liu-Tsong成為當地首位亞裔主持。1961年黃因急病逝世，終年56歲，生命雖然短暫，但成為荷里活亞裔演員先驅，洛杉磯嘅星光大道只有5個華人佔一席位，黃柳霜係其中一個。

Gemma 舊年參加星光熠熠嘅紐約大都會博物館晚宴(MET Gala)，造型正正係向黃柳霜致敬，原來揀呢個造型係有原因！暫時未知電影幾時開工同映期，不過近年傳記片都係獎項大熱，Gemma 做得好的話隨時有獎拎！

更多電影文章

電影LOL︳奧斯卡前瞻 《犬山記》拎最佳電影有暗湧 等睇古天樂做金像監製

電影LOL︳奧斯卡女角獎項預測 妮歌潔曼廿年後再開齋要問過謝茜嘉 Ariana DeBose贏面大

電影LOL︳Netflix試行非同住者共用帳戶收費 以後隨時冇得開心share

電影LOL︳奧斯卡男角獎項預測 《王者世家》韋史密夫有望做影帝 男配角爭崩頭

電影LOL︳《高校18禁》人氣34D索女Sydney Sweeney加盟Marvel外傳電影《蜘蛛夫人》

電影LOL︳張家輝終於有新片 《新秩序》導演係《掃毒》古惑仔

電影LOL︳發夢靚妹變超級英雌 新劇Ms. Marvel預告片登場 6月Disney+上架

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載