電影LOL︳蜷川實花執導 CLAMP作品《xxxHOLiC》真人版電影

日本人氣漫畫團隊CLAMP創作嘅《xxxHOLiC》落實改編成真人版電影，將由蜷川實花執導，並由柴咲幸及神木隆之介主演！漫畫於2003年《週刊少年Young Magazine》開始連載，故事與同期推出嘅《TSUBASA翼》互相交錯，非常有趣。

《xxxHOLiC》講述高中生四月一日君尋（神木隆之介 飾）可以看到藏於人心暗處嘅鬼怪，為咗消滅特異功能佢搵到由壱原 侑子開設、聲稱可以幫人達成願望嘅鋪頭，要睇唔到鬼怪及成為鬼怪絕緣體嘅代價，就係四月一日君尋必需要為侑子打工！於店內打工嘅君尋遇上各式各樣怪異事件，慢慢改變咗君尋嘅想法。

大受歡迎嘅《xxxHOLiC》喺日本熱銷1400萬本，雖然連載已經完結，不過依然人氣不減，先後推出過電視動畫版、電影動畫、真人版電視劇及舞台劇，舞台劇仲相當破格由全男班上陣，而電視劇則由WOWOW製作，主演陣容亦相當強勁，劇集版壱原侑子由杏飾演，染谷將太飾演四月一日君尋，百目鬼靜則由東出昌大飾演，可惜劇集評價一般。

依家終於輪到真人版電影，漫畫本身相當奇幻，變成真人版除咗真人要似漫畫角色外，要還原故事背景，美術設計及電腦特效設計相當重要。真人版電影選角老實無咩驚喜，劇集版陣容好似仲吸引，不過電影搵嚟以濃豔色彩、華麗風格著稱嘅蜷川實花執導，成件事好合拍，官網發布由佢拍攝嘅造型照，既有CLAMP嘅華麗亦相當有蜷川實花嘅招牌風格！

蜷川實花由攝影師跨足電影圈，先後執導由小栗旬主演嘅《人格失間》、澤尻英龍華主演嘅《整容天后》等多部作品，影像鮮豔豐富之餘亦往往觸及華麗表象下嘅黑暗面，今次改編人氣漫畫，又將會注入咩新元素呢？電影將於4月29日日本上映。

更多電影文章

電影LOL︳今期睇咩戲 智齒／捉死敢死隊：魅來世界／王者世家／鱷魚／機動戰士高達I劇場版／幪面超人聖刃＋機界戰隊全開者

電影LOL︳《魔戒》導演主理 The Beatles三集紀錄片 Disney+呢個周末有得睇

電影LOL︳觀眾唔buy拍美國版 《屍殺列車》搵恐怖片專家出手

電影LOL︳《假冒女團》Anson Lo港女look曝光 仲有素顏頹樣沖涼露肉場面睇

電影LOL︳《蜘蛛俠：不戰無歸》預告片登場 蛛絲馬跡睇出齊集三代蜘蛛俠？

電影LOL︳Disney+狂炒冷飯 Amy Adams再演天真嬌俏公主 湯漢斯演新版《木偶奇偶記》

電影LOL︳Disney+節目晒冷 大量Marvel角色單飛拍劇集

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載