電影LOL︳金草莓獎謝拉列圖成最爛影帝 兩屆金像影帝湯漢斯都有獎攞?

奧斯卡金像獎各大獎項已公布,恭喜《奇異女俠玩救宇宙》橫掃包括最佳男女配角、最佳女主角、最佳剪接、最佳劇本及最佳電影等7項大獎!除咗奧斯卡,仲有一個票選大獎值得留意,就係慣性喺金像獎前夕舉行嘅金草莓獎!

有別其他電影大獎肯定電影人嘅努力,金草莓獎主力選爛片及盤點最爛演技,今年「最爛影后」因為提名名單中有《Firestarter》12歲童星Ryan Kiera Armstrong而被評擊,大會隨即道歉及撒回提名,更決定將今年嘅「爛影后」頒俾自己,引以為戒。

最爛影帝由Jared Leto憑《魔比煞》大熱當選,近年佢嘅方法演技似乎用力過猛,猛到變金草莓常客,戲中飾演佢助理嘅Adria Arjona則獲選最爛女配角。而演技一向備受推崇嘅Tom Hanks,分別奪得最爛男配角及最差銀幕組合,大會表示佢喺《貓王》中嘅「矽膠面」及奇異口音非常趕客!

而剛剛成為奧斯卡得獎動畫嘅《木偶奇遇記》(又有Tom Hanks!)則勇奪金草莓最爛翻拍電影,大會用到「無意義」、「無靈魂」甚至「毛骨悚然」嚟形容《木》,同奧斯卡評價南轅北轍!最爛電影及最爛劇本則由《金髮夢露》奪得,大會評價電影消費夢露仲透露陣陣厭女味,非常唔支持咁話!

金草莓又唔止選爛片爛演技,佢哋仲有一項「贖金草莓獎」(Redeemer Award),即係認同你演技而收返個金草莓。今年大會決定贖返Colin Farrell 2004年憑《亞歷山大帝》獲得嘅最爛影帝,以肯定佢喺《伊尼舍林的女妖》嘅精湛演出。

今年最爛影帝Jared Leto當年都有參演《亞歷山大帝》飾演Colin Farrell嘅戀人,如今Colin已經還咗獎,希望Jared Leto 重新出發研究演技,「贖回」個金草莓獎座。佢近年套套戲雷聲大雨點小,評價麻麻嘅多,仲因為用方法演技入戲太深,俾《魔比煞》導演大爆Jared Leto扮演行動不便嘅主角時,喺片場去厠所都要拐吓拐吓,搞足半個鐘,要劇組說服佢坐輪椅去殘廁「加快進度」,否則真係收唔到工。

更多電影文章

電影LOL 今期睇咩戲︳斷網/奪命狂呼6/65:絕境逃生/鯨/無名

電影LOL︳奧斯卡得獎導演 拍Elon Musk紀錄片

電影LOL︳重啟版《忍者龜》動畫8月登場 搵Seth Rogen主理應該兒童不宜

電影LOL︳《洛奇外傳:王者之後3》全球3日收1億 創運動電影最高開畫紀錄

電影LOL︳《奇異女俠玩救宇宙》導演二人組唔拍片玩影相 向日本特攝片致敬

電影LOL︳戲院跑數新招 美國AMC院線出爆谷 層遞式票價 負評如潮

電影LOL︳《蟻俠》內地票房輸俾《毒舌大狀》《超級瑪利歐兄弟大電影》照攻中國市場

電影LOL︳楊紫瓊關繼威贏美國演員公會獎 奧斯卡勝算再提高?

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!