電影LOL︳露營必須走!《電影版 搖曳露營△》引發你的camping慾

呢幾年多咗好多人去郊外露營,遲下天氣涼返,包保好多營地人頭湧湧。日本動漫題材五花八門,估唔到連露營都可以畫成漫畫!

電影LOL︳露營必須走!《電影版 搖曳露營△》引發你的camping慾
電影LOL︳露營必須走!《電影版 搖曳露營△》引發你的camping慾

《搖曳露營△》係漫畫家あfろ2015年開始連載嘅作品,△代表帳蓬。故事以幾個熱愛戶外活動嘅高中女生,參加「野外活動同好會」去露營嘅故事。近年呢類著重角色生活片段、令都市人感覺治癒嘅漫畫大行其道,《搖曳露營△》單行本至今銷量超過700萬冊,而且因應露營呢個題材,同電車公司、地方觀光機構crossover推廣活動,就連漫畫中出現過嘅露營用品、主角食過嘅杯麵都變得搶手!印刷版以外,《搖曳露營△》仲已經出埋電視動畫、真人日劇同廣播劇,可想而知幾受歡迎。於是順理成章製作埋劇場版(電影)《搖曳露營△》,導演係主理電視動畫版嘅京極義昭。

電影LOL︳露營必須走!《電影版 搖曳露營△》引發你的camping慾
電影LOL︳露營必須走!《電影版 搖曳露營△》引發你的camping慾

導演話製作第一季電視動畫時,就已經想將故事搬上大銀幕,但係唔知該從邊段劇情著手;直到第一季動畫接近尾聲時,導演聽到編劇隨口講咗句「真係想睇吓呢班女仔大個之後係點」,就決定電影版時空係故事5位女生離開校園剛剛投身社會嘅日子,以前係「野外活動同好會」社長嘅大垣千明畢業後喺山梨縣觀光推廣部門工作,正要處理開發廢棄多時嘅戶外設施,好友志摩凜得知千明煩惱後提議將設施改做營地,令千明靈機一觸,並且召集一班高中時一齊露營嘅好朋友,一齊建造心目中最美好嘅露營場地。

電影LOL︳露營必須走!《電影版 搖曳露營△》引發你的camping慾
電影LOL︳露營必須走!《電影版 搖曳露營△》引發你的camping慾

電影版早前喺日本已經上畫,票房已經衝破10億,而香港亦都有片商買入,準備10月初上映,希望到時涼返少少,可以睇完戲去camping,成件事fit晒!

更多電影文章

電影LOL 今期睇咩戲︳命懸2000呎/一路瞳行/失衡凶間/荒野謎屍/電影版 99.9 不可能的翻案/355:諜影特攻/娜娜的逝水年華

影響幾代導演 法國電影大師尚盧高達安樂死離世享年91歲

電影LOL︳女王效應 Netflix劇《王冠》英國播放數升8倍

電影LOL︳歐美影圈「英女王」盤點 邊個最似本尊?

電影LOL︳受性侵困擾變肥佬 班頓費沙回勇之作《鯨》首映全場起立6分鐘致敬

電影LOL︳南北韓軍人「非官方協商」?新片6/45好笑程度拍住《炸雞特攻隊》

電影LOL︳網友炒GAMESTOP打大鱷拍成電影 下個月開鏡 最強卡士係個導演!

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!