雅虎香港新聞 電影LOL︳Chris Evans唔做美國隊長做監製 盛傳飾演Singing in the Rain男星Gene Kelly
Chris Evans零留戀超級英雄角色，卸任「美國隊長」後嘗試不同戲路，《神探白朗：福比利大宅謀殺案》內嘅衰仔角色同正氣「美國隊長」截然不同，令人眼前一亮。
據外媒Deadline報導，Chris Evans諗頭多多，最近度咗套同經典歌舞片《萬花嬉春》（Singing in the Rain)男星真基利（Gene Kelly）有關嘅電影，並由《英國恐怖故事》、《帝國驕雄》奧斯卡得獎編劇John Logan執筆及監製，負責出橋嘅Chris Evans將會聯同《神探白朗》編劇Rian Johnson嘅T-Street Productions齊齊監制新片。
電影故事設定於1952年，以一名12歲童星視點出發，幻想自己於美高梅片廠拍戲時，與40歲嘅真基利成為朋友。真基利於歌舞片地位舉足輕重，其中自導自演嘅《萬花嬉春》中雨中獨舞一幕絕對係經典中嘅經典。演藝生涯中分別憑《花都舞影》的編舞獲奧斯卡頒發榮譽大獎，以及《心聲幻影》獲得柏林影展最佳電影，及後被美國電影學會選為「百年偉大男星」第15名，成就驕人。
暫時電影幕後班底加傳記片題材已經引起片廠搶購戰，只差飾演真基利最後人選。真基利歌精舞勁，演藝地位祟高，開拍相關傳奇片除咗演技，人品同舞姿相當重要。
Deadline透露真基利好大機會由「美隊」飾演返，Chris Evans無論年齡、人設同都非常適合飾演50年代嘅真基利，最重要係Chris Evans本身堅識踢躂舞。佢受訪時提及因為媽媽係舞者嘅關係，佢同兄弟自細學習踢躂舞，仲改埋隊名叫Von Trapps!
其實Chris Evans於2014年電影Playing it cool少少地跳咗段舞，之後又多次於公開場合曬舞技，連上清談節目宣傳《復仇者聯盟》都忍唔住露2手跳返part，平時喺IG又會post下彈琴片，今次度哂故事可以盡show才藝，又係套片監製，無理由唔自己做埋男主角啩！
更多電影文章
電影LOL︳《我的野蠻女友》導演新作《緣來大飯店》係韓版Love Actually?
電影LOL︳2021香港片票房十大 MIRROR成員佔2套 《蜘蛛俠：不戰無歸》吸金過億成年度冠軍
電影LOL︳狂拍爛片「跑數」翻生 尼古拉斯基治新片瘋狂抽自己水
電影LOL︳澤東電影30年回顧短片《零點零一公分的距離》內地平台優先睇 點解同雞蛋有關？
電影LOL︳香港Netflix聖誕假收視榜十大 Matrix、蜘蛛俠舊片佔7席 榜首係呢套新片
電影LOL︳Matrix監製爆《復活次元》本來另有導演人選 拍續集不置可否
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
