雅虎香港新聞 電影LOL︳Netflix節目巡禮TUDUM披露 《天才少女福爾摩斯2》 Emily in Paris映期
大台有節目巡禮，Netflix作為串流大台，一樣有！佢地嘅新片新劇多到咁，更加要有個預告大會俾fans。節目名叫TUDUM，咪就係開Netflix聽到嗰2下鼓聲囉。唔講咁多，去片先！
天才少女福爾摩斯2 （Enola Holmes)
以福爾摩斯妹衍生嘅故事，拍法幽默但推理情節同樣出色，難怪有續集。今集繼續由Millie Bobby Brown演Enola，佢會自立門戶開偵探社，同樣有自己搞生意嘅煩惱 — 阿客，你喺邊？11月4日上架。
今際之國的闖關者 第2 季
第一季驚為天人，唔少人甚至覺得同樣係玩致命遊戲嘅橋段，《今》好睇過全球大熱嘅《魷魚遊戲》。由「超級」預告片睇，今集畫面依然凌厲，仲有埋山下智久。官方上架日期係12月，放假機票勁貴都唔怕冇節目。
驚天營救2
TUDUM發布嘅預告片似係一條分幾鐘嘅製作特輯，足夠睇晒特技、飛車、打鬥場面有幾搏有幾爆，包括直昇機喺行駛中嘅火車頂降落，完全捉到觀眾心態。暫定下年有得睇，你有足夠時間換過套音響或者headphone，俾呢套戲嚟炸機。
Emily in Paris 3
一如舊年，今年Emily又係喺12月下旬同姊妹們一齊過法式旋轉聖誕。你想要嘅當然繼續有，靚人靚景靚衫靚仔，同埋「茶味濃郁」嘅Emily。
木偶奇遇記
喺TUDUM公開嘅片段，大半係介紹點樣製作呢套定格動畫，片尾有少少電影片段，淨係啲角色人偶已經好花工夫去整，更何況要拍埋戲？由Guillermo del Toro執導，奇思妙想唔少得，12月戲院同Netflix同步上畫，呢套想入戲院睇wor！
更多電影文章
電影LOL 今期睇咩戲︳別擔心親愛的／神探伽俐略 沉默的遊行／鯊餌／北海浩劫
電影LOL︳古天樂宣佈香港班底製作《明日戰記》前傳動畫 2025年有得睇？
電影LOL︳30分鐘後炸彈爆炸 倒數系刺激新片Blast 小本經營嘅《拆彈專家》？
電影LOL︳終於等到！《魔間行者》拍續集 奇洛李維斯原班人馬上陣
電影LOL︳露營必須走！《電影版 搖曳露營△》引發你的camping慾
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
