電影LOL︳The Rock踢爆 DC本來唔想亨利卡維爾再演超人

人稱The Rock嘅Dwayne Johnson，主演嘅新片《黑亞當》上星期全球戲院票房已經超越3億美元，計埋iTunes網上銷售條數，相信巨石可以提早收爐過聖誕。不過佢仲好勤力咁玩TWITTER同fans溝通，仲拍咗條片爆料。

Dwayne Johnson喺twitter放咗條一邊揸車一邊講嘢嘅片，佢梗係有提《黑亞當》，仲話想令角色成為DC宇宙最強而有力嘅一角，之後就將話題扯到佢老友、「超人」亨利卡維爾。The Rock大爆，DC好唔想亨利回歸再演超人，但係佢「接受唔到囉」，仲話呢個決定唔合符邏輯。「石哥」後來極力要求之下，DC終於都搵返亨利再演超人，仲話有呢位超人，「可以建立更妥當、有策略同聰明嘅DC宇宙」，呢下都幾霸氣。

DC同華納呢一年嘅高層大執位，我地都寫過好多次，之前提過Dwayne Johnson繞過DC前高層Walter Hamada同上層溝通，要求留住亨利卡維爾。月初又有消息指，本來黑亞當一角安排喺另一套超級英雄片《沙贊2》先出場，但係敲定做黑亞當嘅Dwayne Johnson出口術話唔制，而且《黑亞當》劇本更無安排沙贊同黑亞當激戰。

睇到FF10因為Vin Diesel疑似「熱烈參與」搞到導演林詣彬都劈砲唔撈，似乎拍過FF系列嘅Dwayne Johnson都要以此為鑒，唔好搞到《黑亞當》要換人執導。

更多電影文章

電影LOL．今期睇咩戲︳過時過節／哥兒們／骨肉的總和／奇異大世界／刀劍神域劇場版

電影LOL︳《當男人戀愛時》拍泰國版 BL劇男神Bright演蠱惑仔溝死女

電影LOL︳已洗27億！《狂野時速10》嚴重超支 成本拍得住《復仇者聯盟》

電影LOL︳Anne Hathaway《走佬俏公主》拍第3集 展現公主中女生活？

電影LOL︳迪士尼大地震 前CEO Bob Iger回巢 現任衰呢2單大嘢要敗走？

電影LOL︳Lindsay Lohan變洋版李婉華 拍聖誕愛情片搏反彈

電影LOL︳預告繼續爆肌繼續跳 《光豬舞壯士3》出年情人節同你搶女友

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！