電影LOL︳Tom Hardy力撐老友 小編劇升呢做《毒魔》第3集導演

毒魔3》終於開工,男主角湯哈迪(Tom Hardy)一定會出演之外,近日確定由系列編劇Kelly Marcel執導,《毒3》更係Kelly 處女執導作品。

片廠咁大膽搵新人嚟拍賺錢Marvel大片?話說Kelly Marcel係首集《毒魔》其中一個編劇,不過當時未夠經驗同名氣,連獨立credit都無個。去到第二集《毒魔:血戰大屠殺》先有名有姓得到編劇名銜,同男主角Tom Hardy共同創作劇本。

《毒魔》系列集集導演都唔同,首集由《喪屍樂園》、《秘境探險》導演Ruben Fleischer執導,喜出望外成為票房黑馬,全球大收8.5億美金。成績咁好去到續集《毒魔:血戰大屠殺》一樣換導演,改由英國《魔戒》演員Andy Serkis執導,因為疫情關係,全球票房跌至5億美元算不過不失,不過評價相當參差。

嚟到第三集,Kelly Marcel將會繼續同Tom Hardy合寫劇本。作為《毒魔》系列寫手,Kelly了解角色性格及發展,今次升格為導演合情合理。再者跟開《毒魔》消息都知,男主角Tom Hardy有幾瞓身落「毒魔」度,手握大權主導電影發展,《毒3》無做埋導演先令人意外。

加上Kelly Marcel 同Tom Hardy識於微時屬多年好友,據聞到2008年多得Kelly嘅引薦,Tom Hardy先成功爭取到於獨立電影Bronson演出。今次升格成為導演,相信Tom Hardy 出咗唔少力,而且《毒魔:血戰大屠殺》同《蜘蛛俠:不戰無歸》片尾已經預告咗,「毒魔」將會加入漫威大家庭,《毒3》除咗發展角色,故事仲舖路返「娘家」。又睇下Tom Hardy同老友合作會擦出咩新火花?

更多電影文章

電影LOL.今期睇咩戲 ︳正義迴廊/猛鬼三寶/魔鬼之光/愛•難按捺

電影LOL︳亨利卡維爾回歸《超人》 Netflix《獵魔士》第4季易角由雷神細佬頂上

電影LOL︳AV女優冇嘢撈 轉行打摔角 《女優,摔吧》女主角真軍演出係咁叫

電影LOL︳DC終於搵到話事人 撬走Marvel《銀河守護隊》大腦

電影LOL︳The Rock成功爭取 亨利卡維爾正式宣布再演超人

電影LOL︳STAR WARS星球大戰新片有眉目?傳巴基斯坦裔女導演執導

電影LOL︳曾令《小丑回魂》勁賺20倍嘅男人 華納DC日裔高層走人

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!