電影LOL︳AV女優冇嘢撈 轉行打摔角 《女優，摔吧》女主角真軍演出係咁叫

疫情影響大家生活，連AV女優都無得撈？！台灣喜劇《女優，摔吧》講述前往日本當AV女優的麗絲愛愛（夏于喬飾演）與小紅莓（吳映潔飾演），因為不幸遇到「AV界的寒冬」，沒錢賺的兩人只好認命回台灣，陰錯陽差之下加入摔角俱樂部，與摔角高手（黃心娣飾演）不打不相識，在經歷重重考驗後三人組成「莓人愛」摔角團體，開啟三人的摔角之路。

戲中嘅麗絲愛愛下海拍AV嘅原因相當唔理智，因為男友（張睿家 飾）發導演夢，為咗支持男友承諾要做佢一世女主角，男友終於等到首個執導機會原來係拍小電影，就係咁戀愛大過天嘅麗絲愛愛成為AV女優！

由AV女優轉型做摔角手都唔易，一開始因為麗絲愛愛同小紅莓完全唔職摔角技巧，剛開始時以性感衣著加挑逗舞步出場吸眼球，夏于喬同鬼鬼吳映潔非常搏命，一向形象清純見稱嘅夏于喬熱褲look都唔多見，今次挑戰從影而來少有嘅清涼打扮，為角色說服自己係AV女優，著得少布係合理嘅！

雖然唔係真摔角比賽，不過2位主演為《女》接受摔角訓練，剩係一招必殺技就練咗三個月，夏于喬受訓期間受傷，嚴重拉傷胸骨位置嘅深層肌肉，足足唔郁得瞓足2個星期。而吳映潔戲中絕招要喺擋台角飛插埋對手度，好幾次因為撞擊力大勁CHOK到背脊而要停機休息！

雖然辛苦，不過吳映潔好搞笑咁話肯拍《女優，摔吧！》因為可以『盡情大叫』，仲話無論AV戲份定係摔角部份，啲叫聲都係真嘅！又AV又性感熱舞仲打埋摔角，其實都係想同大家講搵到自己鐘意嘅事同堅持落去嘅熱情，同埋唔好戀愛大過天，最愛嗰個應該係自己！

更多電影文章

電影LOL．今期睇咩戲 ︳正義迴廊／猛鬼三寶／魔鬼之光／愛•難按捺

電影LOL︳DC終於搵到話事人 撬走Marvel《銀河守護隊》大腦

電影LOL︳The Rock成功爭取 亨利卡維爾正式宣布再演超人

電影LOL︳STAR WARS星球大戰新片有眉目？傳巴基斯坦裔女導演執導

電影LOL︳曾令《小丑回魂》勁賺20倍嘅男人 華納DC日裔高層走人

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！