電影LOL︳Hellboy漫改電影三度重啟 導演講明︰一定兒童不宜

係呀，又有重啟之作呀，又係漫畫改編電影添。

美國漫畫Hellboy（《天魔特攻》）係唔少美漫迷同figure玩具愛好者嘅心頭好，2004年首次拍成電影版，由擅長魔幻風格嘅墨西哥大導Guillermo del Toro自編自導，fit晒原著暗黑風格，結果票房同口碑都唔錯。2008年拍嘅續集票房更衝上1億6830萬美元，理論上應該拍第3集喇，之但係只聞樓梯響咗幾年，導演同當時主角Ron Perlman都開聲想拍，但係最終都係胎死腹中。

不過到2019年又有套新嘅《天魔特攻》電影版上畫，仲搵咗Stranger Things入面嘅Eleven 老豆David Harbour演Hellboy，可惜負評多多，最後仆直埋！

上個禮拜，片商Millenium Media宣布三度重啟Hellboy漫改電影，以2008年出版嘅Hellboy : The Crooked Man為藍本，講述主角Hellboy同一個初出茅蘆嘅探員，闖入1950年代一個女巫村嘅經歷。導演人選係拍過驚嚇喜劇Mom & Dad嘅Brian Taylor，而編劇就搵返原著漫畫創作人Mike Mignola執筆，當堂胃口大增。

更「開胃」嘅係，導演同片商傾嘅時候，講明一定會將呢套戲拍成美國電檢制度中嘅R級，即係16歲以下觀眾要有家長陪同入場，大約係香港IIB級，而電影公司又buy喎。

Guillermo del Toro拍嘅《天魔特攻》太令人難忘，就連第二代Hellboy都話David Harbour無得彈，Brian Taylor就強調呢套戲風格上一定同Guillermo del Toro版本有好大分別。電影將於4月開鏡，喺保加利亞同希臘取景，應該最快下年有得睇。

更多電影文章

電影LOL 今期睇咩戲︳蟻俠與黃蜂女：量子狂熱／風再起時／夢幻街少女／回首爾後

電影LOL ︳荷里活新風向 商業秘辛拍成電影 《俄羅斯方塊》唔止打機咁簡單

電影LOL︳《小魚仙》預告片收負評 網友齊插︰特效可唔可以做好啲？

電影LOL︳同Joaquin Phoenix愛到喪心病狂 Lady Gaga演新版小丑女劇照曝光

電影LOL︳「趙喜娜」全面進場？John Cena黑絲短裙look拍新戲

電影LOL︳NFL 超級碗廣告黃金時段 《銀河守護隊3》《狂野時速10》《閃電俠》重本公開大片預告

第41屆香港電影金像獎提名名單 《正義迴廊》16項提名 呂爵安柳應廷爭新演員獎獨欠姜濤

電影LOL︳Marvel《神奇四俠》落實開工日期 主角人選今年揭曉

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！