雅虎香港新聞 電影LOL︳X! 荷里活新勢力A24最新恐怖片 後生仔拍4仔變血腥大屠殺
出產多套奧斯卡得獎片嘅電影公司A24，近年推出《月亮喜歡藍》、《抖室》、《歡迎光臨夢幻樂園》、《別告訴她》及《農情家園》等好戲，套套橫掃各大電影頒獎禮，成績拍得住荷里活片廠！
因為規模不及其他大型片廠，所以其公司出品一向言之有物，連恐怖片都拍得有橋過人，好似佢哋製作嘅《祖孽》，無用恐怖片慣常失驚無神嚇人嘅Jump Scare技倆，唔算血腥暴力，靠玩黑暗畫面同層層舖設嘅故事一樣嚇出極佳評價及票房。
之後再接再厲推出由「新黑寡婦」Florence Pugh主演Midsommar，今次勁無jump scare不特止，仲要成套戲陽光普照風光明媚。電影以Florence Pugh微笑完場，無哂恐怖片固有元素，偏偏詭異到打冷震，極不安！
A24又有新搞作，新片X出咗先導預告，今次有哂暗黑畫面、失驚無神襲撃你加埋血腥暴力，故事講述一班後生仔出發到德州，向當地年老農夫借地方住宿，實際為拍成人小電影《農夫之女》！老人家對班後生仔女異常有興趣，本來相安無事，直至老人發現佢咃拍4仔，入夜變身屠夫大開殺戒！
電影X由曾經執導The House of the Devil、劇集The Exorcist、Outcast獲獎嘅Ti West編劇導演，更入選恐佈片影迷必睇嘅Fangoria雜誌嘅名人堂，可見佢嘅作品幾得影迷歡心！
從X預告片所見，套戲令人聯想起另一套經典《德州電鋸殺人狂》，不過A24做得出品應該唔止嚇人、血腥，會唔會有戲中戲再扭橋就要等3月美國上映先知。
更多電影文章
電影LOL︳巨星班底轉人腳？「對稱大師」Wes Anderson搵男神Benedict拍新片
電影LOL︳真係靜靜雞贏 《無聲絕境》收得 同時開拍第3集同前傳
電影LOL︳鍊贏《艾蜜莉在巴黎》Lily Collins Rooney Mara 演柯德莉夏萍傳
電影LOL︳第79屆金球獎低調頒獎 《魷魚遊戲》001吳永秀奪最佳男配角 李政宰無緣視帝
電影LOL︳Chris Evans唔做美國隊長做監製 盛傳飾演Singing in the Rain男星Gene Kelly
電影LOL︳《我的野蠻女友》導演新作《緣來大飯店》係韓版Love Actually?
電影LOL︳2021香港片票房十大 MIRROR成員佔2套 《蜘蛛俠：不戰無歸》吸金過億成年度冠軍
按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載
