電影LOL ︳荷里活新風向 商業秘辛拍成電影 《俄羅斯方塊》唔止打機咁簡單

翻拍、續集、超級英雄片，荷里活仲有咩潮流間間片廠都跟？商業片。

唔係以市場主導嗰種「商業片」，係以企業背後故事改編嘅片種。今年上半年已經落實會上映嘅「商業」片，至少有3套︰Netflix出品，由Ben Affleck執導、關於經典波鞋Air Jordan嘅Air，將於4月上映；

曾經係「加拿大之光」嘅手機BlackBerry，由首部手機發布到盛極一時再到停產，前後唔夠20年。咁傳奇嘅故事，已經由加拿大電影人拍成戲，4月底喺加國上映。

今日重點介紹嘅會係3月尾上映嘅Apple tv＋作品Tetris，係，即係俄羅斯方塊呢隻game。吓？即係講下點樣創作一隻玩到人上癮嘅game咁咋？唔係噃，個故事簡直係一場諜戰，仲要真有其事。

故事主角Henk Rogers係80年代電子遊戲商家，當佢知道俄羅斯方塊呢隻game有幾咁吸引之後，居然不惜以身犯險走去前蘇聯，同「俄羅斯方塊之父」Alexey Pajitnov一齊，帶「砌磚」game衝出國際。但係當時蘇聯仲係共產國家，要傾掂呢隻game嘅版權，仲要過政府呢關，難怪睇trailer都覺得套戲唔止講一隻game的誕生，緊張到爆！飾演Henk Rogers嘅係《皇家特工》以及《搖滾外星人》男主角Taron Egerton，可能貪佢有拍特工片嘅經驗，掌握到呢種節奏啩。

更多電影文章

電影LOL 今期睇咩戲︳蟻俠與黃蜂女：量子狂熱／風再起時／夢幻街少女／回首爾後

電影LOL︳《小魚仙》預告片收負評 網友齊插︰特效可唔可以做好啲？

電影LOL︳同Joaquin Phoenix愛到喪心病狂 Lady Gaga演新版小丑女劇照曝光

電影LOL︳「趙喜娜」全面進場？John Cena黑絲短裙look拍新戲

電影LOL︳NFL 超級碗廣告黃金時段 《銀河守護隊3》《狂野時速10》《閃電俠》重本公開大片預告

第41屆香港電影金像獎提名名單 《正義迴廊》16項提名 呂爵安柳應廷爭新演員獎獨欠姜濤

電影LOL︳Marvel《神奇四俠》落實開工日期 主角人選今年揭曉

按此下載 全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！