【電影LOL】Amazon拍《史密夫決戰史密妻》劇集版 唔搵型男索女做主角?!

講咗好耐終於落實,Amazon將會開拍《史密夫決戰史密妻》劇集,預定2022年播出!電影《史密夫決戰史密妻》2005年面世,由型男畢彼特及索女安祖蓮娜祖莉主演,故事講述兩人為職業殺手,喺唔知對方真實身份下結婚,婚後感情轉淡,有日各自收到order出job殺人先知大家係行家,結果夫妻明刀明槍耍花槍,最後齊齊成為被追殺對象!

兩位主角當年戲假情真,金童玉女戀情大收宣傳之效,電影大賣全球勁收4億8070萬美元!其實早於2007年美國電視台ABC已經有意開拍劇集,不過因為班底問題最後拍唔成。計劃一拖再拖,事隔16年先終於拍得成,連畢彼特及安祖蓮娜祖莉呢對金童玉女婚都離埋!

《史》雖然票房大收,不過影評一般,唔係必睇經典電影。話哂係2005年嘅戲,大把觀眾無睇過,劇集版可以當成全新故事咁睇,劇集主腦Francesca Sloane都係咁諗,搵嚟佢創作嘅Atlanta及《邋遢女郎》男女主角Donald Glover及Phoebe Waller-Bridge再次合作,3人齊齊主理新版《史密決戰史密妻》!

Phoebe Waller-Bridge憑自編自演嘅《邋遢女郎》贏得多個艾美獎項,Donald Glover分別贏過2次艾美獎及金球獎。不過香港觀眾可能對佢嘅歌手身份更熟悉,其2018年首單曲This is America無論歌曲同MV都大熱,以歌批判社會不但無被打壓,仲贏咗格林美大獎!

Donald喺《韓索羅:星球大戰外傳》同Phoebe聲演嘅L3-37合作過,於《史》再次合體擔任男女主角。2位外型不俗但未至於公認為型男索女,反而比較以「有腦有才」、「轉數快」見稱,所以今次除咗幕前擔正,2人仲做埋監製,幕前出樣幕後出腦!

其實Amazon cast得Phoebe同David做《史密夫決戰史密妻》,預咗劇集同電影會有好大分別,絕對唔止談情說愛、爆破連場咁簡單!

更多電影文章

【電影LOL】反修例紀錄片《Do Not Split不割席》入圍奧斯卡紀錄短片十強

【電影LOL】冇賀歲片 上Netflix睇台片 《孤味》戲味濃 《同學麥娜絲》麻甩佬的無奈

【電影LOL】Super Bowl黃金時段 電影宣傳縮水 新片Old 30秒廣告最搶眼

【電影LOL】大半生都在演戲 細數基斯杜化龐馬佳作 晚年演基爸奪奧斯卡

【電影LOL】BL劇大熱 推介台劇《WBL》系列 腐女睇到心心眼

【電影LOL】金球獎提名公布 Netflix出品22項提名力壓傳統片商 《天能》得一項提名!

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!