雅虎香港新聞 面書fans專頁半荒廢 豬肉檔威威出道未夠2個月人氣插水？
4月時被網民稱為「豬肉檔AK」嘅威威（劉宋威），成功由素人變藝人，5月中更加正式出道，接拍工作鞋、超市、密實袋等廣告，又開youtube頻道教煮餸，確係威。不過威威出名之後有唔少負面新聞纏身，有指佢過去背景複雜，又有消息話威威一夜成名係有背後操作。
喺Facebook嘅威威fans群組，最近大半個月都冇新post出現，有網民留言了解，懷疑係群組管理員呢期冇批准群組成員嘅post刊出，又對於冇人交代發生咩事感到不滿。「我哋都想知道乜嘢狀況，如果真係有需要不如將管理員交棒吧！」。至今群組管理員仍未有回應。
一路都戴口罩示人嘅威威，早前喺廣告除罩示人，又將fans專稱嘅「威威豬」紋上身，但係似乎未能催谷人氣。更有人對於密實袋附送威威閃卡不滿，聲言罷買，品牌立即要搵另一代言人Jeffrey救火！紅得快又dub得快，作為新人嘅威威應該感受到娛樂圈嘅新鮮感，難keep過豬肉。
是日精選
網民質疑《阿媽有咗第二個》台灣被冷待 台片商爆seed回應後道歉
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！
