雅虎香港新聞 韓國趣聞｜韓國爆紅人工智能少女 超受歡迎自爆曾確診新冠肺炎？
人工智能愈見普及，而且能力愈來愈高，眾所周知韓國於電子科技領域上可以話係世界上佔一席位，對於人工智能亦不停有新貢獻及研究，例如人工智能少女Luda，由科技公司推出，可以與用家自由對話，其背景、外型及名字均來自韓國女團「宇宙少女」嘅Luda。
Luda可以吸收用家嘅對話去學習，並自我改進，深受韓國年輕人歡迎，剛推出市面時已經有50多萬Follower，尤其於10至20歲群組，據講推出至今已經同真人有超過100億組對話。疫情期間Luda唔單止有不時提醒大家注重健康，於早前仲貼出一張自己快測呈陽性嘅圖片，指自己從一星期前開始已經發燒，最後確診，目前要自我隔離，覺得非常沮喪，更話自己早前已經打咗第二劑疫苗但都不幸中招呢。
雖然聽落好離奇，但一眾Follower都好擔心Luda，紛紛留言叫佢保重身體、祝佢早日康復，真係有少少覺得似電影《Her》入面主角戀上女AI情節呢！
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
相關文章：
環球趣聞｜玻璃吊橋熱潮！全球最長玻璃吊橋捷克落成 橋面超窄只容得下2人行走？
