香港小姐2022| 「女版曾比特」徐麟又換新髮型 今次被指似陳茵媺

香港小姐2022| 「女版曾比特」徐麟又換新髮型 被網民指似陳茵媺
香港小姐2022| 「女版曾比特」徐麟又換新髮型 被網民指似陳茵媺

《2022香港小姐競選》係TVB年度盛事,準決賽及決賽分別將於9月4日及9月25日舉行,適逢今年係港姐競選50週年,大會以「時代在變美麗不變」作為主題。喺今個星期開始,TVB將每日播放一集《2022香港小姐競選-小城美誌》特輯,每集都會嚟搵歷屆港姐,與每位佳麗走訪陪伴香港人成長嘅地方,等觀眾可以更加認識佢哋。打響頭炮嘅第一集就有1984年港姐季軍唐麗球,帶領一號佳麗徐麟(Astrid)搭電車。徐麟喺節目中再以新髮型示人,唔少網民仲話佢似陳茵媺。

現年25歲嘅徐麟有女版曾比特之稱,喺頭三輪面試均以爆炸頭示人,結果成功獲得網民關注。去到早前嘅記者會,Astrid將頭髮拉直,以全新面貌示人,當時仲被指似苟芸慧。星期一(1日)播出嘅《2022香港小姐競選-小城美誌》,Astrid嘅髮型又再唔同咗,今次佢以短曲髮形象出現,呢個清新嘅髮型比網民大讚佢好似陳茵媺。

喺特輯中,徐麟與1984年港姐季軍唐麗球一齊搭電車,細訴參選往事。唐麗球就覺得Astrid好清新可人,同埋好有自信,而最印象深刻一定係佢嘅爆炸頭,佢仲建議Astrid要多啲練習廣東話,同埋要喺台上將自己最靚嘅一面呈現。

唔少網民睇完特輯後,紛紛留言話徐麟好似陳茵微,及新髮型好睇,例如「有少少似陳茵微」、「我頭先一望, 都以為係陳茵媺」、「徐麟有D似陳茵媺」、「好似陳茵微加曹眾」、「似陳茵微」及「無咗爆炸頭係順眼好多。」等等。不過亦有網民認為陳茵媺靚啲,及叫佢練好廣東話:「我覺得1號好靚,不過廣東話講得唔好,香港人對廣東話唔正有種偏見,在香港發展要練好廣東話」、「陳茵媺靚得太多了,笑得又甜」、「練好廣東話再來好嗎?巧(好)難想象點代表香港囉…香港小姐???」、「邊忽似,叫佢收皮」、「廣東話都未搞好」、「一開聲,啲氣質立刻定晒形,係大陸形,真係唔得」及「鄉音!」等等。唔知大家又覺得Astrid同陳茵微似唔似樣呢?

《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
《2022香港小姐競選-小城美誌》截圖
2022年香港小姐1號佳麗徐麟(Astrid)
2022年香港小姐1號佳麗徐麟(Astrid)
2022年香港小姐1號佳麗徐麟(Astrid)
2022年香港小姐1號佳麗徐麟(Astrid)
2022年香港小姐1號佳麗徐麟(Astrid)
2022年香港小姐1號佳麗徐麟(Astrid)
陳茵媺
陳茵媺
陳茵媺
陳茵媺
陳茵媺
陳茵媺

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!