馬國明歪嘴唔關女友事 胡定欣生日前脫單 倒數半個月！

胡定欣與馬國明昨日在宣傳活動上即場捐血，獻出第一次！下月生日的定欣獲Fans提早慶祝，笑言要趁生日前努力脫單；馬國明則澄清合照歪嘴並非因女友P圖，只是自己笑容扭曲！

馬國明、胡定欣、陳豪與郭晉安等昨日宣傳無綫劇集《白色強人II》，下月9日是定欣生日，Fans穿上印有其劇中名字的醫生袍撐場，並送上鮮花及蛋糕，非常有心。定欣表示過往每年都跟Fans舉行派對，但因疫情而停辦，問到生日願望，她說：「希望結局收視創高峰，能夠拍呢套劇係一份好好嘅禮物。（生日二人世界？）我都想，呢兩星期努力吓，好似啲人趁情人節前搵番個咁，其實我啲好朋友就係我嘅情人。」

至於馬國明昨日首度捐血，提到女友湯洛雯日前上載2人合照，被質疑P圖太重手搞到他歪嘴，馬國明護航說：「佢冇P圖，係我笑咗成晚，笑到有啲扭曲。其實好多女仔放相上網前都會執一執，都係人之常情。」

陳豪要求減少親熱

另外，陳豪將與太太陳茵媺合作拍劇，他坦言期待之餘也感壓力：「我哋一直有共識，比較抗拒一齊拍同一套劇，怕觀眾覺得膩，但今次係佢10年後嘅復出作，如果換另一個男主角，我個心又會有少少唔舒服，依家未知有冇親熱戲，我同監製講盡量減少。」而暴食症康復的劉溫馨以低胸露背裙上陣，非常吸睛。