馬蹄露30年前唱歌片段被翻出 獲內地網民激讚人靚聲甜

馬蹄露
馬蹄露

現年54歲嘅馬蹄露近年轉戰內地市場,而佢亦入鄉隨俗,除咗不時喺微博出PO之外,仲學內地人玩抖音拍片。早前ATV亞洲電視喺抖音上載一條年輕時馬蹄露唱《飄雪》嘅片段,結果引起網民熱烈討論,除咗大讚佢靚女同唱歌好聽之外,仲話佢與周秀娜同李若彤等人好似。

早前ATV亞洲電視喺抖音上載一條年輕時馬蹄露唱《飄雪》嘅片段,呢段影片係出自亞視1992年嘅節目《群星過晒界》,片中嘅馬蹄露只有24歲,身穿黑色衣服並留有一把長頭髮。唔少網民睇完呢條片後都俾佢驚艷到,紛紛留言大讚佢人靚聲甜,及與多位女星撞樣,例如「第一次發現馬蹄露這麼漂亮,唱歌還這麼好聽」、「她居然會唱歌?天哪,一直都是演醜角的,没想到年輕時人美歌甜」、「這顏值放到現在秒殺一切女星」、「以為是周秀娜」、「周秀娜既視感」、「那時候真的很漂亮啊」、「馬蹄露年輕時候真好看,以前香港的演員真的全能的,隨便一個都比現在的小鮮肉唱歌好聽」、「媽呀 第一眼以為李若彤」、「講真,都幾靚女」、「萬萬没想到 年輕時這麼靚」、「被演戲耽誤的歌手」及「第一次發現馬蹄露長得也不錯。」等等。

而馬蹄露本尊亦有留言回覆網民,當中有人質疑其唱功,並認為佢當時係咪咀,而馬蹄露就親自回應,否認話:「這是現場錄音的,我才是當事人,亞視那裡來資源要我去先錄音再夾口型吖!」。另外,馬蹄露亦有截圖並上載到微博,留言話:「多戲亞洲電視分享一.....這條唱“飄雪”的完整視頻。讓我與大家一起分享年輕時的我,值得留念」。

馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
馬蹄露
周秀娜
周秀娜
李若彤
李若彤

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!