駕胡鴻鈞跑車出入 蔡思貝認幫手撻車

駕胡鴻鈞跑車出入 蔡思貝認幫手撻車
駕胡鴻鈞跑車出入 蔡思貝認幫手撻車

視后蔡思貝今日(13日)為懸疑警匪片《無間一戰》進行開鏡拜神儀式,思貝繼無綫劇集飾演中醫後,今次在新片中扮演西醫,與黃宗澤有感情戲,她專為對方治療,笑言保護對方肉體,問到是否有不少親熱戲﹖她則說:「冇。」早年男仔頭形象的思貝近期重回女性化角色,她笑說:「溫柔啲唔使腎上腺素飆升。」

講到早前被拍得駕駛緋聞男友胡鴻鈞跑車出入,對於被指晒愛?她說:「因為佢唔喺香港,身邊朋友都會幫手撻車,我架車又入咗車房,所以借來用。(女主人身份使用?)我哋只係撻車團隊。(你們都撻着咗?)部車撻得着啫,哈哈。」

此外,擔任監製的樂易玲指新片投資8位數字,講到有傳「視后」唐詩詠有意約滿離巢投身舞台劇界,她說:「佢去咗旅行,等佢返嚟再傾,大家只係換個合作方法,希望畀佢一個合適、舒服嘅方式。佢呢幾年的確幾辛苦,想多啲時間陪伴屋企人。(係咪想多啲時間搵個伴?)我私心都係想佢咁,就算發展一段友誼都需要時間,但呢個唔係主要原因,佢都係想休息一下,調養身體。(佢想做舞台劇?)未收到任何舞台劇邀請,但一向都鼓勵藝人作多方面發展。」