雅虎香港新聞 
鳳姐大揭秘 為客人心理輔導 處男破處有回贈？
ViuTV節目一向夠晒出位兼踩過界，最新一集《啪啪聲，太好聽》就以「樓上奇緣」為題，討論「一樓一」性工作者呢個行業！主持梁梓禧 (Roland)去到深水埗區某唐樓的一樓一現場，探訪一位 鳳姐 Jessica，呢位Jessica除咗技術一流，仲對一位學生哥客人愛護有加，名副其實有性有愛；而且收費方面仲會有回贈，真係好體貼啊！小編放工之後……
一樓一現場直擊
緊張到爆的Roland呢日早上10點 (咁早？) 去到深水埗某唐樓，一上到樓就被粉紅色燈飾嚇到目定口呆，之後佢終於初嚐傳說中的「掀鐘仔」，喺貼滿吸睛字眼的門後，迎接佢的係一位着住性感護士服的姐姐！
入去傾偈之前，Roland仲表明自己同性戀者的身份，強調自己唔會搞對方，同時叫對方唔好搞自己！
有現金回贈？
之後Jessica邀請Roland一齊坐喺床傾偈，佢講到一位只有16、17歲的學生哥熟客，竟然令佢畢生難忘，而且Jessica仲非常體貼，對方事後俾500蚊佢，佢就退番200蚊！原來幫襯一樓一都有「現金回贈」呢回事！
心理輔導 有性有愛
咁點解Jessica對呢位學生哥咁好呢？原來對方父母離咗婚，現時跟隨嫲嫲生活，Jessica同情佢身世可憐，所以每次除咗提供服務外，仲會同佢傾番個幾兩個鐘偈；另一方面又會擔心學生哥學壞，所以經常都會輔導吓佢，希望佢可以重返正途。如此體貼入微，絕對係有性又有愛！
處男破處有利是收
最後Roland提到一個坊間流傳的說法，就係如果係處男上門破處，鳳姐就會送上利是，到底係咪真㗎呢？Jessica就表示係真，自己如果幫處男破處後，仲會送上100蚊利是！點解咁豪氣呢？佢就話自己其實有兩層樓收緊租，少少錢根本唔在乎，最重要係：「我要佢哋今生今世都記得我！」
話說Roland都係第一次上青樓，雖然佢冇幫襯，不過Jessica亦都慷慨送上利是！唔知Roland係咪都一生唔會忘記對方呢？
搵鳳姐 為訴苦？
最後嘉賓曹文偉就表示，其實好多男人搵鳳姐就唔單單為咗性交，而係因為壓力太大希望搵個人訴訴苦！咁係咪女朋友的角色做得唔好呢？呢一方面小編就不作評論了……
全文完
延伸閱讀：
