2022人物｜黑暗中等待黎明 黃傑龍：疫情步入 Endgame 料防疫條例「壽終正寢」

【Yahoo 新聞報道】新冠疫情爆發以來，飲食業深陷漫長的黑暗，今年更雪上加霜。對叙福樓集團主席、行政總裁黃傑龍而言，今年初的第五波疫情如海嘯來襲，公司生意陷入「休克」，旗下食肆一度停業。好不容易撐過這一年，他形容現時疫情就像漫威（Marvel）電影到了 Endgame（終局之戰）章節，期望 2023 年港人鬆綁，取消疫苗通行證，迎來黑暗後的黎明。

記者：周詠雯

攝影記者：Davies

新冠疫情年復一年，反反覆覆，黃傑龍今年原本以為疫情有所紓緩，卻遇上第五波疫情。黃嘆謂，那段日子「最難、最大壓力」，當時高峰期每日動輒數萬人確診，醫療系統癱瘓，餐飲業也同告癱瘓，「日日都有人（員工）確診，仲要唔只一個，根本係無辦法運作，成個管理系統係近乎崩潰」。他只好「用自己嘅邏輯同常識解決問題」，集團旗下食肆於二月底起停業兩周，「真係一個海嘯咁冚埋嚟，會休克」。現時回望，黃傑龍認為停業是正確決定，緩減員工當時的心理壓力。

中餐及酒吧年尾「追落後」

2022 年疫苗通行證安排、安心出行等措施變了又變，黃形容中式酒樓及酒吧「比較淒涼」，受營業時間及每檯人數所限，酒吧無法通宵營業、中式酒樓無法辦宴會。第五波疫情過後，港人開始期望步向復常，政府亦曾強調「不走回頭路」。黃傑龍認為，雖然放寬步伐緩慢，幸而方向穩定，「過咗第五波嘅心理壓力都有紓緩」，更形容 2022 年下半年是「疫情末期」，餐廳營業時間不再有規限、宴會人數調高，「（防疫措施）對餐飲業嘅影響係過去三年來最細」，中餐及酒吧亦開始在年尾「追落後」。

港府 9 月 26 日起將入境香港檢疫縮減為「0+3」，不少市民本年底已到日本等地旅行，來港旅客人數卻一直低迷。黃指「當然你有十萬人離開咗香港，自然香港客流就少咗十萬人」，但因航班及外地酒店價格仍然高企，他對港人留港消費保持樂觀。不過黃認為餐廳本身需要保持競爭力，如疫情期間不少貴價日式廚師發辦（Omakase）開業及擴張，「可能都會進入一種汰弱留強」，一般日本餐廳則未必受太大影響。黃又笑指，保就業、防疫抗疫基金等援助措施「應該係一去不返㗎喇」，消費券等逆周期措施因而變得更重要，「可以嘅話我哋都期望個力度會大啲」。

「香港嘅頭號敵人係經濟差」

黃傑龍的辦公室放滿 Marvel 不同角色的模型擺設，他曾多次公開指現時狀態是「黎明前的黑暗」，那麼何時才見到黎明？「我覺得如果純粹睇疫情，而家應該係進入 Endgame」。他笑言：「當然 Endgame 都可以拍成集嘅，都有個過程，但已經進入咗 Endgame」。曾有專家指冬天過後有空間撤銷口罩令，為港人鬆綁，故他亦不太擔心疫情，「反而香港嘅頭號敵人係經濟差…… 競爭對手除低口罩，我哋仲戴住個口罩同人打就好難贏，但係除低咗口罩都唔一定會打贏人」，所以他勉勵港人加倍努力，讓香港經濟復甦。

展望 2023 年，黃傑龍希望政府調整疫苗通行證安排，「睇吓邊個年齡群接種率足夠，咁呢個年齡層（出入食肆）就豁免、唔再需要做疫苗通行證」，降低對市民及商界的影響，步向復常的道路，「我認為 599（《預防及控制疾病條例》）係會壽終正寢」。他期望 2023 年春天來臨之時，「就係 599 可以完結嘅時候」。