黃宗澤謝天華鬧不和

黃宗澤與謝天華入晒戲,背對背扮黑面。
黃宗澤與謝天華入晒戲,背對背扮黑面。

黃宗澤(Bosco)、謝天華、蔡思貝及陳煒等,昨日為新片《無間一戰》進行拜神儀式。片中Bosco與大反派山聰大鬥法,與謝天華則是事隔十多年後再合作,演有矛盾的親兄弟。他指今次動作戲多,刀槍劍戟樣樣齊,問到可羨慕林峯及吳卓羲在內地拍攝綜藝節目?他說:「佢哋都唔輕鬆,拍攝時間好長,有搵我拍,但係撞咗期要拍劇、電影。」至於近年在內地賺人仔賺到盆滿缽滿的天華,坦言曾計劃像王祖藍一樣安排子女在內地讀書,但最終還是覺得香港最適合自己。

而蔡思貝被拍得駕駛緋聞男友胡鴻鈞的跑車出入,被指是藉此晒愛,她說:「佢唔喺香港,身邊朋友都會幫手撻車,我架車又入咗車房,所以就借嚟用。(女主人身份使用?)我哋只係撻車團隊。(你哋都撻着咗?)部車撻得着啫,哈哈!」

另外,監製樂易玲講到唐詩詠約滿離巢並投身舞台劇界一事,她說:「佢去咗旅行,等佢返嚟再傾,大家只係換個合作方法,希望畀佢一個合適、舒服嘅方式,佢想多啲時間陪伴屋企人。」她支持詩詠找個伴,並大爆對方多追求者!

蔡思貝自認是隸屬胡鴻鈞的撻車團隊。
蔡思貝自認是隸屬胡鴻鈞的撻車團隊。