《黃金萬両》喜氣洋洋 江嘉敏麥美恩助夫奪寶 開火迎春

三位妯娌各懷鬼胎,日日都可以係「赤口」兼「開年」。
三位妯娌各懷鬼胎,日日都可以係「赤口」兼「開年」。

藝人薛家燕相隔多年再拍賀歲劇,奶奶氣場降服3個新抱,鬧出無數笑話。由麥美恩、朱智賢及江嘉敏結成的「新抱組」,一言不合即大打出手,令同場工作人員慨嘆要「小心女人」。

由薛家燕、麥美恩、朱智賢及江嘉敏等主演的無綫兔年賀歲劇《黃金萬両》,鐵定於明晚8時30分在翡翠台推出。一連八集的故事透過講述兄弟間為了爭奪家傳之寶,時而吵鬧時而和好,帶出一家融洽、其利斷金的傳統精神,同時又將過年習俗融入每集當中,例如年三十晚團年飯、初三赤口、初四迎財神及初五送窮日等等,讓觀眾透過煲劇同步過節。

當眾寬衣防中暑

身為全劇靈魂人物的薛家燕一向被視作「幸運女神」,過年總希望見到她影蹤當作攞個意頭,不過自2015年拍竣同是賀歲劇的《倩女喜相逢》後,她便絕迹同類劇。今次「捲土重來」即偕同3位靚靚新抱,包括麥美恩、朱智賢及江嘉敏齊齊「報喜拜年」,而監製吳冠宇亦形容角色非她莫屬:「劇本需要一個有喜感同開心嘅演員做當家一角,我就去搵家燕姐,好彩佢答允參演。」

麥美恩對「奶奶」讚不絕口:「我同家燕姐首次合作拍劇咋,佢真係冇得頂,精靈得很,如果我哋做得唔好嘅地方,佢唔會出聲,等你自己醒覺。最記得有場戲對白好長,幾乎有一半係佢嘅獨腳戲,家燕姐竟然可以一口氣講晒,對我哋作出訓導。」劇集開拍時正值炎夏,雖然監製已下令盡量將戲服做得薄些,不過麥美恩仍然難忘「着火」的感覺:「嗰幾個星期好難捱,搞到鏡頭後我哋冇晒儀態,成日當眾『寬衣』,又飲『正氣水』以防中暑。」

鹹魚白菜亂咁掟

談到與朱智賢及江嘉敏鬥戲兼鬥氣,她透露其中一場「打鬥戲」,令大家忍俊不禁:「有次喺廚房一言不合打起上嚟,攞起菜同鹹魚亂掟,事後大家都話唔好同女人嘈交,哈哈!(覺得兩位拍檔點?)朱智賢傻更更,江嘉敏反應快,大家節奏好唔同,不過好有火花。」

3對夫婦襯晒色,唔怕走失。
3對夫婦襯晒色,唔怕走失。
薛家燕向來予人幸運有福的形象,其作用拍得住財神。
薛家燕向來予人幸運有福的形象,其作用拍得住財神。
朱智賢孭住黃子恆,看來相當吃力。
朱智賢孭住黃子恆,看來相當吃力。