《七公主》林夏薇愛貓被徐榮殺死 貓掛門畫面令網民不安

·3 分鐘文章
《七公主》
《七公主》

由林夏薇、黃翠如、高海寧、江嘉敏、劉佩玥、鄺潔楹、陳曉華及陳瀅主演無綫劇集《七公主》正在熱播中,噚晚劇情除咗講顧青桐(高海寧飾)及十五少(陸永飾)係大家嘅靈感男、女神之外,仲講到顧語嫣(林夏薇飾)搵王男(徐榮飾)慶祝亡夫嘅拍拖紀念日,仲想同王男發生關係,不過被王男拒絕,去到尾段仲講到王男聲稱以行為藝術殺死咗顧語嫣嘅愛貓阿懵,更將貓皮掛起門上,顧語嫣以為愛貓被殺,情緒極度激動和絕望,其後攞刀話要殺死王男。

唔少網民睇到貓皮掛起牆上嘅畫面後,紛紛留言話好不安及教壞細路,例如「徐榮個角色仲話係行為藝術,好不安」、「TVB開始虐待動物」、「其實我覺得講佢殺貓都唔係最大問題,但仲要影埋層貓皮釘係度先核突,同埋真係會教壞人去有樣學樣,仲要830時段,好唔要得」、「其實有呢D內容,已經睇到人好唔舒服,呢個咩垃圾編劇黎架」、「直頭教壞細路啦!」、「殘害動物,電視台意識不良。」、「我究竟睇左啲乜野」、「睇到好不安」、「合家歡時段有呢D橋段,過份左」、「又暴力血腥無厘頭 要投訴」、「如果殺貓劇情係真實就好離譜,8點半劇集竟然咁殘酷變態」、「我同屋企人都覺得呢個情節意識不良,好變態,會投訴tvb」及「套野都九唔搭八既 冇啦啦殺貓」等等。不過就有網民認為去到今晚嗰集隻貓就會出返嚟,及只係戲劇表達並無問題。

另外,林夏薇喺《七公主》嘅演技獲得網民一致讚賞,尤其係噚晚愛貓被殺嗰一段,唔少網民都力讚佢嘅演技精湛,佢嘅情緒表達成功做出多個層次,由返屋企好開心見到王男,去到得知愛貓被王男殺掉,再由激動至絕望爆喊,簡直係演技大爆發。

《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖
《七公主》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能