《乘風破浪》張天愛爆男友徐開騁承認酒後亂性電話錄音 疑似小三立即割席
早前播出嘅內地綜藝《乘風破浪》,參加者之一嘅33歲內地女星張天愛,尋日突然喺微博發布布一段電話錄音,踢爆緋聞男友徐開騁酒後亂性偷食,呢次真係名副其實震驚14億人!
張天愛同徐開騁因為拍劇而傳出緋聞,但係從來無正式公開關係。殊不知尋日無預警之下張天愛喺微博出post寫道「慣犯,希望所有女孩擦亮眼睛」,並附上一段3分半鐘錄音。內容係徐開騁坦承去朋友屋企飲酒時,同其中一個女仔發生關係。然後徐開騁又提到唔能夠公開同張天愛拍拖嘅原因,唔係合約唔俾,而係佢自己唔敢,驚fans唔鍾意。張天愛成個過程都好冷靜,反而徐開騁死狗咁款要求原諒,不停叫女友暱稱「愛寶」,仲話「我知道你很難過,我確實沒法安慰你,因為我的安慰也許會造成更深的損害」。難怪有內地網友話,徐開騁喺錄音中嘅演技,好過晒佢以往所有作品。
早前徐開騁被拍到去另一內地女星古力娜扎屋企過夜,有人估計張天愛眼見男友「酒後亂性」後死不悔改,於是公開錄音,「處決」賤男!唔少網友留言安慰張天愛,更讚佢夠狠!
而牽涉在內嘅古力娜扎都有share呢段錄音,仲怒斥「不是小三,之前不是現在不是以後更不會是!面臨全網『小三』的言論,一直不敢相信你是騙子!這段錄音也是讓我看清了你到底是個什麼東西!」,似乎係要割席救事業。
是日精選
《乘風破浪》張天愛爆男友徐開騁承認酒後亂性電話錄音 疑似小三立即割席
疑私自爆離婚 激嬲無綫高層 陳自瑤孭飛劇被Out 馮盈盈解凍頂上
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!