《人工殺姬》拍情色版番外篇SOULM8TE 開拓殺姬宇宙︳電影LOL

呢2年荷里活片廠「買大開細」,大片高開低收埋單僅僅熟,股東好大鑊。所以除咗唔怪得佢地係咁玩翻拍開續集,仲有個新玩法叫Expand the Universe,即係由副線角色開拍分支故事片。廿幾年前《古惑仔情義篇之洪興十三妹》咪就係Expand the古惑仔 Universe囉。

今日睇到美媒報導,開拍《人工殺姬》(M3GAN)嘅公司宣布開拍「殺姬universe」新片SOULM8TE,並形容套戲係「90年代情色驚慄片」,預計喺2026年元旦翌日上畫,而故事會由《恐懼鬥室》溫子仁有份創作。SOULM8TE講一名鰥夫以人工智能機械人填補喪妻後嘅心靈空虛,但係佢嘗試投放真感情,結果令機械人變成攞命嘅伴侶。睇完故事都可以想像到,比起設定為細路女人工友伴嘅M3GAN,SOULM8TE應該會有人工色香味場面,走成人向路線,條橋相當聰明。

《人工殺姬》可謂係近年其中一部票房奇蹟,1200萬美元成本結果全球大收1億8100萬,條數唔大但係賺到笑!開續集就梗架啦,而家《人工殺姬2.0》暫定下年暑假檔上映,擺明寄予厚望。而家片商為「殺姬universe」另開一條「少甜」嘅SOULM8TE,第時話唔定仲有人工智能男伴、父母、寵物,然後佢地用人工智能,研發照顧人工智能機械人心靈需要嘅人工智能伴侶……沒完沒了有排玩。

更多電影文章

汪汪夢裡人/加菲貓:勇闖世界/地下殺神/維和防暴隊︳電影LOL 今期睇咩戲

玩轉腦朋友2》收得 更不容有失 Pixar高層暗示新片《外星奇遇記》搵華裔導演石之予執手尾︳電影LOL

《三體》開拍電影版敲定張藝謀執導 如何處理文革情節再受關注︳電影LOL

《馴鹿寶貝》原型癡女告Netflix索賠1.7億美元 再有受害人爆料 被屈虐兒爭啲骨肉分離︳電影LOL

內地導演王小帥被指迫死《大象席地而坐》導演胡波 台北電影節取消邀請出任評審團主席

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!