《伙記辦大事》陳瀅戲份過多惹不滿 網民提議改名叫《常笑辦大事》

·3 分鐘文章
《伙記辦大事》劇照
《伙記辦大事》劇照

無綫劇集《伙記辦大事》有「收視福將」歐陽震華、「馬神」馬德鐘及「長腿女神」萬綺雯坐陣,淨係呢個陣容已經夠晒號召力。劇集首周收視不俗,不過可惜因劇情老土、不合理及感情戲太多等原因,令到劇集嘅口碑和收視連「收視福將」都挽救唔到,越跌越低。另外,亦有唔少網民話陳瀅嘅戲份太多,搞到佢哋不適及棄劇。

今次係歐陽震華和萬綺雯相隔6年再次合作,再加上係二人喺無綫嘅告別作,所以唔少觀眾都期待二人嘅演出和火花。不過劇集播出後,第二女主角陳瀅嘅戲份竟然比歐陽震華、萬綺雯及馬德鐘多,搞到大家都有錯覺認為陳瀅先係女一。三大主角淪為配角,唔少網民都不滿及有被騙嘅感覺,紛紛留言鬧爆,例如「這部戲可能叫陳瀅和他的男人們,劇裡算的上號的男角色都和她有關係」、「常笑辦大事」、「我最不能忍的是,雯雯的戲太少太少啦」、「陳瀅的戲份真的挺尷尬的...不是能扛起大女主的料,偏偏戲份又多又煩」、「看了四集棄劇了,陳瀅戲份太多,演技也沒有很好」、「陳瀅戲份過多引起不適」、「常笑的確戲份很多 每件事都同佢有關咁 圍住佢轉」及「奔著歐陽,馬德鐘去的,戲份太少不說,所有劇情都圍繞常小姐。常小姐辦大事確實合適!」等等。

無綫有唔少一線小生花旦相繼離巢,導致可以擔大旗嘅演員越來越少,所以近年無綫積極培育新人接棒,務求令呢班新晉小生和小花盡快入屋。31歲嘅陳瀅(Jeannie)樣貌標致,深得網民愛戴,係新一代女神。以Model身份入行嘅佢,喺2014年憑《女人俱樂部》飾演年青版容丹丹開始為人認識,之後參與過唔少劇集拍攝,例如《四個女仔三個BAR》、《跳躍生命線》及《全職沒女》等等。今次《伙記辦大事》係佢第三次以主角身份擔正嘅劇集(之前有《黃金有罪》和《愛美麗狂想曲》),絕對係無綫近年力捧上位嘅小花之一。

《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照
《伙記辦大事》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能