《全民造星4》收逾4千報名表 利君牙/火雞姐/余潔瀅/阿慈都有去面試

·2 分鐘文章
《全民造星4》
《全民造星4》

ViuTV皇牌節目《全民造星》過去三屆都大獲好評,首屆成功打造人氣男團MIRROR及ERROR。早前ViuTV宣佈舉辦《全民造星IV》並指將會全女班參賽,早前已經有唔少熟悉嘅面孔前往面試,反應相當熱烈。去到今日節目組舉行公開即場面試,而導師梁祖堯、許廷鏗,新加入未來女團經理人戴穎(Wing)及監製花姐(黃慧君)就即場考核一班參賽者。

今日繼續有多位人氣KOL及藝人到達現場面試,例如丁可欣(火雞姐)、余潔瀅(Zoe)、100毛主播陳柏寧(利君牙)、「試當真」阿慈、《廣告女王》劉展翹、戴月、歐陽巧瑩妹妹歐陽巧霖、ERROR成員阿Dee女友文芊澄及193妹妹郭嘉盈(Michelle)等等。

喺接受傳媒訪問時,花姐同Wing表示收到4千份報名表,初時收到都好驚,仲睇咗一整晚通宵,不過第一輪比賽都係同以往一樣有99強。被問到評審準則時,Wing就話佢覺得要有基本實力,要識唱歌同跳舞,唔可以咩都唔識,如果佢哋可以散發個人魅力嘅話,就會係加分位。另外,傳媒亦問到會唔會同MIRROR一樣有挑選12位成員,Wing就話唔希望係12個,可以少啲或者多啲。花姐補充話如果比賽之後發現冇一個係好嘅話,佢哋就唔會簽約,唔會夾硬打造一個女團出嚟。之後Wing再話唔需要多一個韓團,或者係有其他團影子嘅團隊,要唱我哋最叻嘅廣東歌。

至於導師梁祖堯及許廷鏗嘅準則,梁祖堯就話要有實力同觀眾緣,而完美嘅聲色藝喺呢一刻佢覺得無所謂,因為呢啲係可以訓練,如果有參加者係想「對抗」嘅話,有幾犀利佢都唔會揀。而許廷鏗就表示唱歌好係佢嘅首選,其次就係親和力。

梁祖堯IG
梁祖堯IG
丁可欣(火雞姐)
丁可欣(火雞姐)
丁可欣(火雞姐)
丁可欣(火雞姐)
余潔滢
余潔滢
余潔滢
余潔滢
陳柏寧(利君牙)
陳柏寧(利君牙)
陳柏寧(利君牙)
陳柏寧(利君牙)
阿慈
阿慈
阿慈
阿慈

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能