《四個女仔三個BAR》十週年Re-U掀回憶殺 四大主角依然靚樣 網民：這群女的都不老的嗎？
TVB律政劇《四個女仔三個BAR》喺2015年1月26日首播，劇集以大律師及事務律師追尋公義故事為主題，由黃智賢帶領當時仲係新人嘅陳凱琳、陳瀅、何雁詩及劉佩玥主演。日前劇集迎嚟播出10週年，一班主角就連同編劇陳維冠及編導鍾國強重聚「ReU」，難得演員們合體，大批網民表示回憶返晒嚟。
日前，陳凱琳喺社交網站上載於 《四個女仔三個BAR》班底ReU嘅照片及短片，並留言話：「咁就10年啦！🥹🩷Who still remembers our names from 四個女仔三個 Bar? 👙 it’s Baaaar, not BRA 🤣」。一班 《四個女仔三個BAR》班底仲為林景程鼓掌，慶祝佢獲得「最佳男配角」。另外，劇集編劇陳維冠喺片中宣布：「我哋《四個女仔三個 Bar》就十周年啦，搵到sponsor我哋就開二啦。」之後在場人士出席拍掌歡呼。
呢個PO一出，唔少網民大呼回憶滿滿及大讚四位靚女保養得宜，同十年前冇太大分別，例如「d回憶返曬嚟 細個好鍾意睇」、「so cutie！omg 好有回憶啊‼️」、「超懷念！」、「All of you r still so cute」、「回憶殺」及「這群女的都不老的嗎？」等等。
按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！
