《好狗不見了Haw》首映為保護遺棄動物協會籌款 鄭融憶領養澳門格力犬改變生活

由《大叔的愛》主角田中圭主演的《好狗不見了Haw》昨晚(9月16日)舉行慈善首映，為保護遺棄動物協會（SAA）籌款。歌手鄭融分享，2019年澳門狗場棄養500多隻格力犬，她與時任男友領養其中一隻，大大改變了她的生活模式，「朝頭早8、9點，我一定同佢落咗街先，變咗我都健康咗。」她希望世界各地的賽狗活動早日終結。

攝影記者：Davies

《好狗不見了Haw》電影將於9月29日公映，故事講述赤西民夫（田中圭 飾）被未婚妻無情拋棄，其後意外領養一隻同樣被人拋棄的大白狗。圓方戲院昨晚舉行慈善首映，多位有領養動物的藝人現身支持。歌手鄭融分享2019年領養格力犬的經歷，當時她與男友前往澳門狗場，用兩日時間與狗隻散步、洗澡，最後決定領養其中一隻格力犬，並命名為Macky。

她說，Macky因長年賽跑而腰骨勞損，須接受物理治療。格力犬精力充沛，每日用很多時間散步，「佢哋生活係好簡單，朝早起身就會好想郁一郁，我會從佢嘅角度設計我嘅生活。我會明白到，朝頭早佢起咗身仍然困喺屋企，佢都唔係幾開心。」

呼籲勿為解悶養寵物

鄭融說，每次與Macky散步30分鐘，都讓她重拾簡單的時光，放下娛樂圈的工作、壓力和煩惱，「我覺得係互相帶畀大家生命好好嘅影響。」她呼籲大眾不應為解悶而養寵物，「養得佢，你就當佢係屋企人嘅一份子，要尊重佢嘅需要，你要去負責佢嘅需要，唔係佢負責滿足你嘅寂寞。」

後來鄭融與拍拖八年的男友分手，男友堅持撫養Macky，「都傷痛嘅，好掛住佢（Macky），我屋企都擺住佢啲相。」雖然Macky不在身邊，但鄭融已經習慣早起，兩年的領養日子不經不覺改變了生活模式。她希望世界各地早日終結賽狗活動，將來有機會再領養格力犬。

馴犬師Eric Ko亦出席慈善首映，他在SAA領養過一狗兩貓，當中英國短毛貓「奧巴馬」和唐狗Kinki已相繼離世，只餘下13歲的家貓「豬腳仔」陪伴身邊。他說，以前傷心時有Kinki分憂，「我哋有時唔想講秘密畀人聽時候，我哋就同佢講，佢係完全收晒，我嘅壓力就放出嚟。」

馴犬師：領養前先了解狗隻生活

Eric慨嘆，疫情令香港經濟轉差，棄養的個案增加，幸好亦多了人領養。他呼籲大眾領養前不要衝動，先去動物機構了解狗隻生活，「你有機會帶佢去玩吓、行吓，成日探佢。你係咪愛佢？你返到屋企就會感受到。」他當年就是經歷上述過程，最終決定領養Kinki。

SAA創辦人陳淑娟（El Chan）說，近年移民潮再現，但很多主人帶寵物一起離港，「我要讚吓啲年輕人，就算佢要移民，佢都想盡辦法帶佢哋動物一齊走。」

她又透露，SAA狗場遷移計劃不成功，政府提供的地皮只有萬多呎，每3年續約，不能滿足狗場的需要，故拒絕有關方案。未來計劃購買一個地方營運。

雅虎香港旗下「好集慣」早前推出首個 NFT 項目《City Frenchie》，部分收益捐助 SAA 作醫療開支；即日起下載「Yahoo香港」手機應用程式並登記成為會員，可參與Yahoo Rewards計劃，只需200積分即可在兌換中心捐助SAA的動物。