《季前賽》8.29首播 姜濤Ian預告大騷球技兼火藥味濃 網民:希望唔好衰過《I SWIM》啦

季前賽8.29首播
季前賽8.29首播

由Edan呂爵安、Jeffrey魏浚笙主演嘅ViuTV劇集《I SWIM》已於日前(22日)播出大結局,10集情節中不但Edan被轟咬字唔清,後半部劇情更被批大暴走,觀眾直指Edan與吳海昕「師生戀」離地,結局爛尾,仲喺演員開Live期間留言向導演馮志強表示浪費咗一班演員,又要求對方唔好拍電影版。而另一ViuTV重頭劇《季前賽》首段宣傳片亦於《I SWIM》大結局當晚釋出,預告劇集將於8月29日首播。

《季前賽》由MIRROR成員姜濤、Edan呂爵安、Ian陳卓賢及Stanley邱士縉主演,亦有張繼聰及ERROR成員肥仔(梁業)、193郭嘉駿;劇集由林嘉欣老公袁劍偉執導,以籃球為主題,共20集;講述高家孝(姜濤飾)、關浩德(呂爵安飾)及張智良(邱士縉飾)各自因唔同原因放棄籃球,於一次大學籃球隊B隊掃場時,幫忙趕走B隊;及後,卓立鋒(陳卓賢飾)帶領嘅A隊就與B隊約定6星期後再對戰,而喪波(張繼聰飾)就成為A隊教練,眾人不但漸漸成為有組織嘅正規籃球隊,仲重拾返籃球夢。

《季前賽》預告中,眾人大騷精湛球技,姜濤與Ian又疑似係敵對關係,二人擺出寸樣眼神,火藥味甚濃。雖然有份出演《季前賽》嘅Yoyo葛綽瑤未有於預告出現,但佢將會喺劇中飾演籃球隊軍醫,仲會有感情線;Yoyo於《全民造星4》參賽時已經人氣高超,呢次仲搶先過COLLAR出演劇集,相信會為《季前賽》產生唔少迴響。

消息出街後,唔少網民都紛紛留言表示期待,例如「期待哥與弟嘅球技」、「正呀 超級期待」、「好想快啲睇到季前賽,睇#姜濤打籃球呀!」、「等到頸都長,終於可以睇季前賽!期待姜濤和好兄弟們的熱血演出」、「好想睇Ian打籃球,好想睇佢個串串貢既樣」及「呢個絕對好睇」等等。不過同時亦有唔少網民表示睇完《I SWIM》後對《季前賽》已經好期望,留言話「睇過i swim, 對viu 劇已經冇期待」、「睇完I Swim我已經唔會對呢套劇寄予厚望,以免希望越大失望越大」、「希望唔好衰過iswim啦」、「iswim 累事, 沒有期望」、「經過iswim之後我諗大家對季前賽嘅期望值會低啲」及「已經被Iswim搞到恐女症發作,一有感情線d劇情就暴走。。。希望呢套唔好係咁」等等。

《季前賽》
《季前賽》
《季前賽》
《季前賽》
《季前賽》
《季前賽》
《季前賽》
《季前賽》
ViuTV原創劇《季前賽》記者會 FB LIVE 截圖
ViuTV原創劇《季前賽》記者會 FB LIVE 截圖
ViuTV原創劇《季前賽》記者會 FB LIVE 截圖
ViuTV原創劇《季前賽》記者會 FB LIVE 截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!