《學神出沒注意》陳嘉倩揸車險象環生 被網民瘋狂洗版鬧爆

·4 分鐘文章
陳嘉倩
陳嘉倩

ViuTV喺今個星期推出全新真人騷《學神出沒注意》,搵嚟前無綫新聞主播陳嘉倩擔任嘉賓,根據節目資料,嘉倩BB喺半年前考獲車牌,所以仲係「P牌仔」,而實戰揸車經驗只有3次。製作組搵咗駕駛員Alex幫手,坐喺嘉倩BB隔離傍住佢,不過都險象環生,睇到觀眾一額汗及令到網民瘋狂洗版鬧爆佢。

節目中,嘉倩BB需要接受一連串嘅考驗,當中包括揸屯門公路、深水灣赤柱遊車河及戶外戶內泊車。喺揸車期間,佢多次險象環生,更喺Alex落車後唔專心搞到撞埋停車場個欄度。節目出街後,網民們大數佢多宗罪,例如喺公路上左搖右擺、駕駛常識欠奉、唔聽Alex指令及唔專心揸車等等。

喺公路上,嘉倩BB竟然將車速維持係時速三十幾,佢當時都無為意,仲問點解啲車係咁回頭望佢,Alex就話因為佢車速太慢,不過佢就好似唔想認,仲話自己揸時速七十,之後Alex就話佢只係試過一下去到七十。另外,就算Alex一直在旁指導,佢都依然揸到左搖右擺。

去到戶內,劇組就安排佢去室內停車場泊車,不過就要Alex落車等佢可以獨自接受挑戰。雖然Alex落咗車,不過佢都好唔放心,喺嘉倩BB架車後面睇實。嘉倩BB唔係一路望住前面揸車,反而喺四圍望同興奮話Alex喺度追星同話佢係瘋狂粉絲。喺佢得意忘形嘅時候,就將架車撞埋停車場個欄度。之後佢仲好似唔知錯咁,怪責節目組安排呢個考驗比佢。

搞到車都撞埋之後,節目組就安排教車師傅俾佢補鐘。一見到師傅嘅時候,佢唔係虛心學習,反而話俾師傅聽佢係專登著條短裙,而師傅就回答話係冇乜幫助。補完鐘之後,嘉倩BB再搵Alex,今次佢哋唔再去屯門公路,而係去赤柱遊車河。繼續自信滿滿嘅陳嘉倩,喺揸車時候因車速太慢,搞到後面有一條車龍。當Alex叫佢去避車處俾後面啲車行先嘅時候,佢反問Alex就算呢條龍冇咗,都會有另一條龍出現。為咗令嘉倩BB可以心情輕鬆啲,Alex就親自餵佢食朱古力,不過之後佢就分咗心,仲將架車揸到太近迎面以來嘅巴士,巴士司機即時響咹,而Alex亦嚇到幫佢扭軚。

節目出街後,唔少網民都紛紛留言鬧爆佢,例如「態度問題,唔識唔熟仲咁囂屎」、「個態度真係衰到無人有」、「睇到爆粗 好似唔知自己揸緊車咁,係咁忙住Alex跑」、「新牌唔係問題,問題係佢錯又唔認又揾直口,呢d人咪鬼揸車啦」、「睇到火都嚟埋」、「駕車態度不知所謂」、「全程嬉皮笑臉 駕駛態度非常好有問題囉」及「唔改善駕駛態度,遲早撞死人,到時後悔莫及,以為好好玩,車用得其所是交通工具,否則就是殺人凶器,好自為之」等等。

嘉倩BB見到網民們嬲爆爆,於是佢亦喺IG即時動態作出回應,仲話「揸第二/三次就出石澳真係好驚,仲要拍攝真要揸好多個鐘,你叫我宜家再揸出去都唔敢」及多謝節目組同埋Alex。

《學神出沒注意》截圖
《學神出沒注意》截圖
《學神出沒注意》截圖
《學神出沒注意》截圖
《學神出沒注意》截圖
《學神出沒注意》截圖
《學神出沒注意》截圖
《學神出沒注意》截圖
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩
陳嘉倩

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!