《寶寶大過天》可愛梁芯語唔止表情多多 喊戲冇難度好有演戲天份

梁芯語
梁芯語

無綫新劇《寶寶大過天》係《BB來了》嘅延續篇,同樣係講新手父母辛酸點滴及育兒生活嘅矛盾同難關,不過演員就大執位,父母由黎諾懿及李佳芯、改為馬國明及岑麗香,不過有一位重要演員就出演晒《BB來了》同《寶寶大過天》,而佢就係飾演香香同馬明囡囡游日童(童童)嘅梁芯語,佢樣子可愛又表情多多,相信唔少觀眾都會好鍾意佢。

《寶寶大過天》喺噚晚正式首播,劇情講到康雅悠(岑麗香飾)係一名全職媽媽,佢同老公游在山(馬國明飾)育有兩歲囡囡游日童(梁芯語飾)。由於童童即將要報考幼稚園,所以父母就帶佢上「分離班」,不過可惜童童即場爆喊,失敗收場。雅悠仲多次被囡囡打面,情緒大崩潰。之後,雅悠同在山帶童童到幼稚園,而童童本身表現有啲驚,不過後來都跑去同哥哥姐姐玩,令到佢哋大感安慰。

劇中飾演游日童(童童)嘅梁芯語,其實係《BB來了》飾演允豬嘅其中一位小演員,而佢當時只有幾個月大。後來,《寶寶大過天》招募小演員,當時只有兩歲半嘅芯語都有去參加面試,最終成功獲選。唔經唔覺芯語而家已經四歲,媽媽仲為佢開咗個人社交網站帳戶,不時上載生活點滴,早前更上載與大肚媽媽嘅合照,即表示佢快將榮升做家姐,真係恭喜晒呀!

另外,監製廖晉碩亦有大讚芯語嘅演戲天份,話佢好記性又唔怕醜,戲中佢有唔少喊戲,聽到嗌Cut就會收聲。而芯語媽媽就好感激監製讚賞,留言話:「多謝監製讚賞 印象好深刻有一場戲,我同佢講叫佢培養感情一開機就要喊 點知佢真係一開機就喊🥲 一cut機就即刻收聲 跟住問我佢頭先係咪喊得好好 #我都發自內心欣賞你 #認識更加多嘅你 #所以成日都話鍾意係唔同啲 #所以大家 佢真係自己喊架 #真係要好好欣賞 #天生戲子 #識得自動埋位 #寶寶大過天 #童童」

《寶寶大過天》劇照
《寶寶大過天》劇照
《寶寶大過天》劇照
《寶寶大過天》劇照
《寶寶大過天》劇照
《寶寶大過天》劇照
《寶寶大過天》劇照
《寶寶大過天》劇照
《寶寶大過天》截圖
《寶寶大過天》截圖
《寶寶大過天》截圖
《寶寶大過天》截圖
《寶寶大過天》截圖
《寶寶大過天》截圖
梁芯語
梁芯語
梁芯語
梁芯語
梁芯語
梁芯語
梁芯語
梁芯語
梁芯語
梁芯語

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!