《尋人記》方東昇愛妻顧家好男人 中學青澀嫩照曝光超凍齡

《尋人記》方東昇愛妻顧家好男人 中學青澀嫩照曝光超凍齡
《尋人記》方東昇愛妻顧家好男人 中學青澀嫩照曝光超凍齡

無綫綜藝節目《尋人記》由方東昇、黃曉瑩、李曉欣及黃靖婷主持,主要尋找80、90年代新聞故事嘅主角,例如「大家姐」倩儀及「肥仔」柏熙等等。節目雖然只係播咗四集,不過就已經大獲好評,仲紛紛留言大讚方東昇添呀!

無綫新聞主播方東昇,過往曾經主持《世界零距離》及《長命百二歲》等節目,憑節目中經常拋出創意爛gag金句,例如「一試無妨,再試投降」、「我笑佢土豪,佢就笑我N無」、「路遙知馬力,啲汗係咁滴」及「工欲善其事,唔好發脾氣」等等,因此被網民稱為「金句王」及「一代笑匠」。今次《尋人記》風格繼續係要認真有認真,要搞笑有搞笑,而方東昇當然冇令大家失望。

其實方東昇搞笑背後,係一個愛妻愛母嘅頂級好男人。現年44歲嘅方東昇,係香港中文大學新亞書院新聞及傳播學系一級榮譽畢業高材生,當時已經有「中大才子」之稱。 除咗讀書叻之外,仲識七種語言,包括廣東話、英文、普通話、日文、德文、俄文及荷蘭文。至於感情方面,當年佢喺前新聞主播吳先瑩婚宴擔任婚禮司儀,之後對吳先瑩妹妹吳先玲一見鍾情,展開猛烈追求,而吳先玲就成為佢嘅初戀女友兼老婆。出名孝順嘅方東昇,喺2000年同方媽媽聯名買樓,2006年結婚後兩夫妻同方媽媽一齊住,婆媳關係仲非常要好,真係令到唔少家庭羨慕。

《尋人記》係找尋昔日故事素人,喺節目中大家可以重溫昔日新聞片段同埋當時嘅生活環境,但估唔到嘅係有網民喺男拔萃書院嘅校刊搵到方東昇嘅學生時代相片,雖然同而家已經相差26年,不過方東昇嘅外貌同笑容一啲都無變,唔少網民仲大讚佢凍齡。

方東昇(網絡圖片)
方東昇(網絡圖片)
《尋人記》截圖
《尋人記》截圖
《尋人記》截圖
《尋人記》截圖
《尋人記》截圖
《尋人記》截圖
《這麼遠,那麼近》截圖
《這麼遠,那麼近》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!