《愛‧回家之開心速遞》亞姐王瑋驚喜客串

無綫處境劇《愛‧回家之開心速遞》經常邀請一啲久未露面嘅藝人客串，好似噚晚嗰集就有1991年亞姐王瑋，真係相當令人驚喜。噚晚劇情講到莊遜夫婦（紀保羅及王瑋飾）由美國嚟港探望熊尚善（滕麗名飾）同金城安（周嘉洛飾），仲希望安仔可以過繼被佢哋，同將農場交俾安仔打理。而熊家打算將安仔過繼俾佢哋，安仔知道「被賣」後感到非常失望，特別係佢嘅公公熊樹根（劉丹飾）。

嚟自江蘇嘅王瑋係1991年亞姐第五名，入行後參演過十多套電影，最令人深刻嘅係電影《賭俠》中飾演企喺周星馳新片嘅性感女郎。之後，佢獲得唔少工作機會，仲試過月入幾十萬，及擁有多個物業。03年沙士期間，王瑋工作量大減，直接影響收入，之後佢喺加拿大同男友生咗個仔，可惜男友離開咗佢地，王瑋最終慘成單親媽媽，獨自返港賺錢湊大個仔。佢後來同爸爸成功申請公屋, 又喺教會朋友介紹下唱返歌，較早前仲開埋個人音樂會，當時一班亞姐及朋友羅霖、程瑤，張文慈、寶珮如等等都現身支持。雖然王瑋由豪宅住到公屋, 但佢覺得生活充實及欣慰，因為有個孝順仔陪住佢。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！