《愛‧回家之開心速遞》臥虎藏龍 細數劇中10位高學歷演員

·4 分鐘文章
《愛·回家之開心速遞》高學歷演員
《愛·回家之開心速遞》高學歷演員

娛樂圈有唔少高材生,無綫處境劇《愛‧回家之開心速遞》可以話係臥虎藏龍,唔少演員都擁有高學歷,而家就同大家數一數啦!

「Icy」岑杏賢
2012年度港姐「最上鏡小姐」岑杏賢(Jennifer),畢業於英國布魯內爾大學(Brunel University)心理學學士課程。入行後,佢依然選擇重返校園增值自己,喺公餘時間繼續進修,2014年於香港理工大學諮商與輔導文學碩士課程畢業。

岑杏賢
岑杏賢
岑杏賢
岑杏賢

「楊洋」劉思希
劉思希(Lisa)喺11年參選港姐,落選後加入娛樂圈。劉思希出身於傳統名校嘉諾撒聖心書院,其後分別赴美國西北大學(Northwestern University)及英國林肯大學(University of Lincoln)留學,畢業後成為市場總監。入行後,佢一邊拍劇,一邊喺科大修讀EMBA課程,呢個課程係全球EMBA課程連續三年排首位,每年只係錄取40至60人,入讀學生要持有學士學位及有10年或以上工作經驗,學費索價137萬港幣。2019年Lisa完成兩年學業,更以8A成績畢業。

劉思希
劉思希
劉思希
劉思希

「May」趙希洛
家境富裕嘅Candice,畢業於英國大學法律與商業系,之後繼續攻讀國際商業及銀行學碩士。對演藝非常有興趣嘅Candice,喺修讀碩士第一學期後,瞞住家人回港參選2007年度港姐。

趙希洛
趙希洛
趙希洛
趙希洛

「熊若水」呂慧儀
呂慧儀(Konnie)擁有超級長腿,所以有「長腳蟹」之稱。佢自細成績優異,畢業於香港科技大學電子工程系,參選2006年度港姐前仲曾經擔任過教師。

呂慧儀
呂慧儀
呂慧儀
呂慧儀

「大小姐」林淑敏
林淑敏(Mandy)喺11歲時與家人移居加拿大,於多倫多大學因尼斯書院電影研究文學士。畢業後打算回流香港尋找相關工作,不過因為斯文形象被拒。之後,佢選擇加入航空業做空姐,做咗大半年後,便參選2000年度港姐競選。

林淑敏
林淑敏
林淑敏
林淑敏

「白天娥」樊亦敏
樊亦敏(Amy)出身於傳統名校嘉諾撒聖瑪利書院,童年時已經有機會拍攝廣告,其後更與鄭伊健拍攝檸檬茶廣告。後來Amy喺街獲黃百嗚邀請加入開心少女組,不過佢就婉拒咗。因為繼父係日本人嘅關係,佢好希望大家以日文溝通,所以中學畢業後被送往東京國際大學附屬日本語學校讀日文。去到20歲,Amy就回港參選港姐,並獲得最上鏡小姐。

樊亦敏
樊亦敏
樊亦敏
樊亦敏

「George」張明偉
張明偉喺戲內戲外都係資優生,現實中嘅張明偉學業成績不俗,於長沙灣天主教英文中學就讀,喺香港考完會考後,佢本來夠分升上中六,但係喺美國讀書嘅姐姐認為美國制度更適合佢,所以佢選擇到美國升學。去到美國先修讀美國社區大學,打好基礎再考入全美入學錄取競爭最激烈嘅公立大學之一嘅加州大學洛杉磯分校(UCLA)傳理系。

張明偉
張明偉
張明偉
張明偉

「阿鬼」朱滙林
朱滙林出身於傳統名校聖若瑟書院,高級程度會考獲2A2B佳績,之後順利考入香港大學法律系。畢業後佢冇選擇做律師,反而選擇追演藝夢,喺2007年參加無綫舉辦嘅TVbeople選拔賽勝出後入行。

朱滙林
朱滙林
朱滙林
朱滙林

「鐵面陳」王致狄
王致狄(Andy)出身於傳統名校聖保羅書院,16歲前往加拿大繼續升學,於多倫多讀大學經濟系畢業。畢業後Andy喺當地銀行任職,不過一年後佢選擇回流香港照顧父母,並投考藝員訓練班。

王致狄
王致狄
王致狄
王致狄

「風少」陳浚霆
陳浚霆(Andrew)喺香港讀完國際學校後,前往美國紐約大學(NYU)繼續升學,並以雙榮譽學士畢業。畢業返香港後曾任職公關,之後於2014年參加選秀節目《超級巨聲4》入行。

陳浚霆
陳浚霆
陳浚霆
陳浚霆

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!