《愛·回家》張明偉晒流利英文 UCLA畢業得家人支持繼續追夢

·3 分鐘文章
《愛·回家》張明偉晒流利英文
《愛·回家》張明偉晒流利英文

演藝圈中有唔少藝人畢業於名校大學,喺處境劇《愛‧回家之開心速遞》飾演George嘅張明偉(Aaryn)就係其中之一位。喺前晚(21日)播出嗰集就講到George想搵人宣傳補習社,喺了解完送水輝(許家傑飾)嘅英文程度同工作需要之後,佢就為送水輝安排補習課程,期間晒出一口流利英文。

《愛‧回家》嘅George係資優生,現實中張明偉嘅學業成績同樣相當唔錯。佢喺中學時就讀長沙灣天主教英文中學,雖然名氣不及傳統名校,但都出過唔少名人,包括浸大政治及國際關係學系副教授陳家洛、政制及內地事務局常任秘書長鄧忍光、著名作家喬靖夫、音樂創作人周博賢及人氣男團MIRROR成員Ian(陳卓賢)等等。

喺香港考完會考後,佢本來夠分升上中六,但係喺美國讀書嘅姐姐認為美國制度更適合佢,所以佢選擇到美國升學。去到美國先修讀美國社區大學,打好基礎再考入全美入學錄取競爭最激烈嘅公立大學之一嘅加州大學洛杉磯分校(UCLA)傳理系。

張明偉畢業後便加入無綫做《今日VIP》和《港生活.港享受 》PA(助理編導),後來節目監製瑪莉引薦佢入讀2011年25期訓練班,之後佢就開始轉戰幕前。星運平平嘅佢一開始都係做啲毫不起眼嘅閒角,唔少親友都問佢點解要喺無綫「磨爛蓆」,因為UCLA畢業一定會有更好嘅發展。當佢都懷疑自己時,屋企人俾咗好多支持佢,令佢冇放棄追夢,好彩佢後來得到George一角,終於憑呢個搞笑演出成功入屋。

除咗演戲之外,張明偉非常熱愛音樂。2013年參加《星夢傳奇》時,雖然未能殺入五強,不過亦令觀眾印象深刻。佢現時係樂隊Charming Way嘅主音及結他手,樂隊前身Leohart於2013年香港青年樂隊大賽奪得冠軍。張明偉亦擅長作曲、唱歌、結他及彈琴,不時上載創作及翻唱歌曲到影片頻道同大家分享。

《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
《愛·回家之開心速遞》截圖
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉
張明偉

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!