《我家無難事》劉思希床戰黃嘉樂獲關注 網民錯重點:明明係彿地魔

劉思希

劉思希(Lisa)唔經唔覺已經入行10年,有份參演嘅無綫劇集《我家無難事》正在熱播中,再次做醜女嘅佢喺劇中飾演有錢女田羽冰,暗戀馮耀山(黃嘉樂飾),佢嘅打扮相當出位,喜歡鮮艷打扮,兼戴上一副厚厚的近視眼鏡。日前劇情就講到佢被男網友欺騙,身陷險境,衣衫不整逃亡,好彩最後關頭獲耀山英雄救美,之後佢哋返婚紗店休息,期間冰冰主動出擊,成功色誘耀山上床。

唔少網民對於呢場床戲都非常關注,除咗大讚黃家樂嘅fit爆身形之外,仲紛紛留言評論劉思希嘅外貌,仲話覺得呢一幕床上戲係劉思希賺咗,例如「第一次覺得係個女演員賺咗」、「明明係彿地魔黎,呃我唔到既」、「本身都…個鼻哥窿好奇怪,每次見到都諗點了鼻屎。何來話不介意演」及「我只係覺得佢個鼻整得好唔自然」等等。

現年36歲嘅劉思希(Lisa)喺11年參選港姐,落選後隨即加入無綫,入行初期曾經擔任無綫娛樂台主播,之後開始參與劇集拍攝工作,例如《忠奸人》嘅Gillian、《迷》嘅爆牙醜女肖小红、《丫鬟大聯盟》霍燕貞及《愛‧回家之開心速遞》嘅洋洋等等。另外,好學嘅劉思希仲係一名高材生,入行前佢畢業於美國林肯大學行政管理碩士,而入行後佢一邊拍劇,一邊喺科大修讀EMBA課程,呢個課程係全球EMBA課程連續三年排首位,學費索價137萬港幣,前年佢以8A成績畢業。

《我家無難事》劇照
《我家無難事》劇照
《我家無難事》劇照
《我家無難事》劇照
《我家無難事》劇照
《我家無難事》劇照
《我家無難事》劇照
《我家無難事》劇照
劉思希
劉思希
劉思希
劉思希
劉思希
劉思希
劉思希
劉思希

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!