《拳王》首播被指製作兒戲又慳皮 網民:個擂台同景好假

·3 分鐘文章
《拳王》
《拳王》

無綫今年最後一套台慶劇《拳王》由三屆視帝黎耀祥、張振朗、姚子羚、賴慰玲、蔡潔、朱敏瀚、許家傑及黃子恆等人主演,劇集喺噚晚正式首播,想知網民們睇完第一集有咩感受,快啲轆落去睇下啦!

製作兒戲又慳皮
噚晚劇情就講到拳手海正曦(譚俊彥飾)與教練石傲山(黎耀祥飾)情同兄弟,正曦原本計劃打完最後一場拳賽就退役,不過佢就被對手重擊,其後佢再喺街救醉娃時與人打鬥,最終傷重不治。海正藍(張振朗飾)將哥哥嘅保險金交俾傲山開拳館,不過後來發現哥哥嘅死同傲山有關。喺拳館開張嗰日,正藍到拳館與傲山爭拗,期間痛擊傲山,正藍拒絕和解被控入獄。唔少網民睇完之後都認為擂台製作好假、急症室場景兒戲及拳賽時譚俊彥頭噴血好膠,留言話:「個擂台同景好假,啲觀眾好假好疏落 黎耀祥做教練唔識揸靶」、「製作好慳皮 依套唔方高收視」、「個台好寒酸下 製作好求其」、「頭先急症室咁兒戲,應該搵番安妮醫院拍,及搵番幾個醫生客串 !」、「膠到咁…噴泉血」及「譚仔個額頭先頭巴巴聲咁流血,轉頭玅傷痕及血跡都冇滴???」等等。

譚俊彥又要死
喺播映完畢嘅《換命真相》中,譚俊彥飾演嘅時光原來一早已經死去,時光重生後所發生嘅嘢都係朴寶劍(朱敏瀚飾)創作嘅網絡小說。嚟到《拳王》,譚俊彥喺首集就死去,結果吸引唔少網民注意並留言,包括「時光一個星期死兩次」、「哦!出一集就死。」、「譚仔埋單,應該夠鐘穿越返去維利大廈,好忙下。​​」、「魷魚遊戲通關失敗」、「譚生上一套戲做男主角,呢套第一集就瓜柴唉~」及「嘥料啲喎!一集玩完。做就張振朗。」等等。

張振朗演技麻麻
噚晚嘅劇情唔少都係圍繞住張振朗飾演嘅海正藍,不過網民們睇完佢嘅演出後,似乎唔多滿意佢嘅表現,紛紛留言話佢演技麻麻地,例如「張震(振)朗d演技真係麻麻」、「振朗喊得假」、「張振朗咁既演技仲開晒口想做視帝?」及「明顯用眼藥水..好屎」等等。

期待蔡潔出場
華姐出身蔡潔(Jacky)近年都有參與邵氏及無綫劇集拍攝,今次佢喺《拳王》飾演江家晴Mantus,係駿風拳館員工,分別與海正藍及石子聰有感情線。噚晚嗰集蔡潔仲未出場,所以唔少網民都留言話好想快啲見到佢,留言話:「等蔡潔出場」及「快啲做現在啦 我要睇蔡潔」等等。

《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》截圖
《拳王》劇照
《拳王》劇照
《拳王》劇照
《拳王》劇照
《拳王》劇照
《拳王》劇照
《拳王》劇照
《拳王》劇照

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能