《最後一屆口罩小姐選舉》浩南大熱奪冠 齊睇佳麗除罩後網民反應

·6 分鐘文章
《最後一屆口罩小姐選舉》截圖
《最後一屆口罩小姐選舉》截圖

ViuTV《最後一屆口罩小姐選舉總決賽》喺噚日完滿結束,結果由「浩南」鄭伊琪勇奪冠軍,並同時獲得「服裝與口罩搭配獎」,亞季軍分別由「阿姨」徐蒨寧及「細細粒」馮寶欣奪得,而「除罩最靚獎」就有「三小辣」羅佩芝奪得。喺節目一播出,唔少網民都對佳麗們嘅真面目表示非常好奇,去到噚晚所有佳麗都終於露出「廬山真面目」,網民們對佢哋嘅外貌有彈亦有讚,而家就同大家睇下啦!

冠軍「浩南」鄭伊琪
「浩南」鄭伊琪大熱成為雙料冠軍,原本係一名模特兒,今次仲為比賽減掉11kg。唔少網民都話佢除罩後好靚「浩南好正呀」、「浩南哥幾靚 個樣唔似咁霸氣」、「浩南抵佢拎冠軍」、「靚過港姐!!」、「浩南好甜美呀」及「當浩南除左口罩 就會明白點解佢係冠軍 加上真我個性 抵讚」等等,不過亦有部分網民話佢有東莞小姐feel同埋棚牙唔係太靚。

冠軍浩南-鄭伊琪(《最後一屆口罩小姐選舉》截圖)
冠軍浩南-鄭伊琪(《最後一屆口罩小姐選舉》截圖)
冠軍浩南-鄭伊琪
冠軍浩南-鄭伊琪

亞軍「阿姨」徐蒨寧
任職化妝師嘅「阿姨」徐蒨寧,雖然已成人妻同人母,不過依然無阻佢嘅參選嘅決心。喺總決賽時,憑弗爆身材和突出表現獲亞軍。唔少網民都讚「阿姨」好有女人味同有氣質,例如「堅靚, 生完都無肚紋, 身材又好, 完全睇唔出係阿姨!」、「阿姨最正」、「阿姨簡直係我偶像,除左口罩更有氣質,靚太!做左媽媽都可以追求理想架!」、「估唔到阿姨幾靚,好大驚喜」、「呀姨個樣好大方得體」及「超級女人味,好索」等等。

亞軍阿姨- 徐蒨寧(《最後一屆口罩小姐選舉》截圖)
亞軍阿姨- 徐蒨寧(《最後一屆口罩小姐選舉》截圖)
亞軍阿姨- 徐蒨寧
亞軍阿姨- 徐蒨寧

季軍「細細粒」馮寶欣
KOL出身嘅「細細粒」馮寶欣,喺未除罩嗰時已經被巴打們認出,最終冇受身高影響,成功獲得季軍。除罩後,唔少網民都話佢好可愛,紛紛留言話:「其實睇返寶欣係最好嗰個」、「Over all 寶欣最正」、「寶欣 恭喜你 甜美 可愛」、「呢type女仔感覺性格好好」及「好可愛」等等。不過亦有網民話如果佢棚牙白,咁佢會再靚啲。

季軍細細粒-馮寶欣(《最後一屆口罩小姐選舉》截圖)
季軍細細粒-馮寶欣(《最後一屆口罩小姐選舉》截圖)
季軍細細粒-馮寶欣
季軍細細粒-馮寶欣

第四名「肥腰」米露迪
網紅「肥腰」米露迪一直都係大熱人選,網上投票更一直領先,可惜最後大熱倒灶三甲不入。雖然唔少網民一早知米露迪嘅外貌,不過喺除罩後都有唔少網民話佢好似菊梓喬,留言話:「肥腰係hana黎既」、「米=菊梓橋」、「星夢一姐個妹?」及「肥腰同菊梓橋撞樣」等等,大家又覺得佢同Hana似唔似樣呢?

第四名肥腰-米露迪(《最後一屆口罩小姐選舉》截圖)
第四名肥腰-米露迪(《最後一屆口罩小姐選舉》截圖)
第四名肥腰-米露迪
第四名肥腰-米露迪

第五名「莎嘩Dee卡」李嘉麗
「莎嘩Dee卡」李嘉麗喺總決賽時大跳鋼管舞,表現令人眼前一亮。最終得到第五名嘅佢,喺取罩後除咗被網民指佢個樣好有泰國嘅味道之外,仲話佢似陳凱琳,留言話「真係好泰國」、「泰國人」、「Sawadee成個陳凱林咁」及「成隻barbie咁 個胸夾到」等等。

第五名莎嘩Dee卡-李嘉麗(《最後一屆口罩小姐選舉》截圖)
第五名莎嘩Dee卡-李嘉麗(《最後一屆口罩小姐選舉》截圖)
第五名莎嘩Dee卡-李嘉麗
第五名莎嘩Dee卡-李嘉麗

第六名「黑妹」黄樂彤
身材高䠷嘅「黑妹」黄樂彤,一直被網民指係最高質佳麗,就算喺總決賽時嘅泳衣環節都非常搶眼。雖然最後只係得到第六名,不過唔少網民都讚佢可愛同夠晒自然,例如:「估唔到原來咁甜」、「性格傻更更,除咗口罩個樣好可愛」、「黑妹係型既」、「真係黑妹最靚」及「好自然大方」等等。另外,亦有唔少網民話佢似唔同嘅藝人,當中包括G.E.M.、姜麗文、雷凱欣、歐倩怡及陳文媛。

第六名黑妹-黄樂彤(《最後一屆口罩小姐選舉》截圖)
第六名黑妹-黄樂彤(《最後一屆口罩小姐選舉》截圖)
第六名黑妹-黄樂彤
第六名黑妹-黄樂彤

第七名「178」張晉雅
走開騎呢路線嘅「178」張晉雅,喺總決賽中繼續以吹牧童笛及著潛水衣,成功突圍而出,獲得網民關注。不過佢喺獲得第七名除去口罩後,唔少網民都對佢樣貌作出批評,留言話「係靚不過好強國feel」、「佢真樣比阿姨仲阿姨」、「酒樓知客樣」及「 好呀嬋」等等。另外,有部份網民話佢個樣有啲似宮雪花、張秀文、裕美同埋何超儀。

第七名178-張晉雅(《最後一屆口罩小姐選舉》截圖)
第七名178-張晉雅(《最後一屆口罩小姐選舉》截圖)
第七名178-張晉雅
第七名178-張晉雅

第八名「老闆娘」楊慧敏
「老闆娘」楊慧敏(Mina)係馮盈盈嘅大學師姐,得唔少網民歡心嘅Mina,不負眾望獲得第八名。喺取下口罩後,網民們都對佢個樣評價好壞參半,例如「其實樣唔差,但性格扣到負分」、「其實問心, 都幾靚女」、「好老呀佢今日個妝同髮型」、「好似壽星公」及「老闆娘好亞視feel」等等。

第八名老闆娘-楊慧敏(《最後一屆口罩小姐選舉》截圖)
第八名老闆娘-楊慧敏(《最後一屆口罩小姐選舉》截圖)
第八名老闆娘-楊慧敏
第八名老闆娘-楊慧敏

相關內容:《最後一屆口罩小姐選舉》冠軍 阿Dee隊成員 - 「浩南」鄭伊琪相集

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!