《穿Prada的惡魔》傳拍續集 當年助手變金主 霸氣阿姐點對付?︳電影LOL

《穿Prada的惡魔》嘅梅麗史翠普堅係霸氣
穿Prada的惡魔》嘅梅麗史翠普堅係霸氣

時裝興Y2K風,連帶Y2K年代嘅戲都要翻嚟!今日外媒報導,2006年嘅時尚界大熱喜劇《穿Prada的惡魔》,已經獲得迪士尼開綠燈籌拍續集。片中飾演霸氣時尚雜誌總編輯Miranda嘅梅麗史翠普,據報會參與演出,再次西口西面兼mean爆。而當年嘅編劇Aline Brosh McKenna都會歸隊。

時隔十幾年,時裝潮流轉咗N咁多輪,今集Prada會講咩?據報導指,時尚媒體大人物Miranda都要面對紙媒影響力今非昔比嘅現實,相信一定提到社交平台帶起嘅時尚風潮點樣令Miranda反眼。另一難關就係,喺上集片中飾演Miranda助手嘅Emily(Emily Blunt飾演)已經成為時尚大品牌廣告部高層,可以話係Miranda公司嘅金主之一。往日被Miranda點嘅Emily會唔會公布私仇?Miranda點樣拎到budget而不失霸氣?

盛傳梅麗史翠普將會回歸《穿Prada的惡魔》續集,再演Miranda!
盛傳梅麗史翠普將會回歸《穿Prada的惡魔》續集,再演Miranda!

梅姨歸隊,咁當年佢2位助手Emily Blunt同Anne Hathaway呢?今年演員工會頒獎禮,三位阿姐同台現身,觀眾都估到合該有事。如果睇續集初步劇情,Emily Blunt應該都會回歸嘅,話晒都係當年上位之作,而新角設聽落又相當吸引。至於Anne Hathaway演嘅Andrea上集講到佢離開時尚圈子,假如要預埋佢,相當編劇考功夫。

暫時電影籌備仲好初步,估計快極都兩三年後先有得睇,唔知到時fashion界又興緊乜嘞。

更多電影文章

海關戰線/意外/公開試當真/敢愛咁做/𝗗𝗼𝗹𝗽𝗵𝗶𝗻 躍動人生︳電影LOL 今期睇咩戲

派拉蒙落實80億美元賣盤予Skydance 拉鋸多月終成事︳電影LOL

《野孩子》內地電影公布映期後半日撤檔 真正原因眾說紛紜︳電影LOL

《九龍城寨之圍城》逆市破1.1億票房封王 香港戲院上半年票房收入再跌17%︳電影LOL

紙盒藏屍案電影開拍中 Edan呂爵安傳演歐陽炳強?︳電影LOL

曉格蘭特演變態佬 新片Heretic設局禁錮傳教少女︳電影LOL

按此下載 全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!